Elimizdiń birqatar óńirlerinde 30 maýsym men 2 shilde aralyǵynda qatty ystyq bolady, dep habarlaidy "Ult aqparat" QR TJM baspasóz qyzmetine silteme jasap.
«Qazgidromet» RMK derekteri boiynsha, Nur-Sultan qalasynda 1-2 shildede kúndiz 35-37 gradýs aptap ystyq bolady.
Almaty qalasynda 30 maýsym kúni kúndiz 33-35 gradýs qatty ystyq kútiledi.
Shymkent qalasynda 30 maýsym-2 shilde aralyǵynda 40 gradýsqa deiin kóteriledi.
Túrkistan qalasynda 30 maýsym-2 shilde aralyǵynda 40-42 gradýsqa kóteriledi.
30 maýsymda Batys Qazaqstan oblysynyń kei jerlerinde naizaǵai, burshaq jaýýy yqtimal. Kúndiz 35-39 gradýsqa deiin óte qatty ystyq kútiledi. Jel ońtústikten, ońtústik-batystan soǵady, kei jerlerde jeldiń ekpini sekýndyna 15-20 metrge jetedi. Kei jerlerde óte joǵary órt qaýpi saqtalady. Oral qalasynda kúndiz 30 maýsymda naizaǵai, burshaq, 36 gradýs qatty ystyq kútiledi. Jel ońtústikten, ońtústik-batystan soǵady, jeldiń ekpini sekýndyna 18 metr bolýy yqtimal.
30 maýsymda kúndiz Aqtóbe oblysynyń kei jerlerinde naizaǵai oinaidy, ontústik-shyǵystan, shyǵystan jel soǵady, naizaǵai kezinde jeldiń ekpini sekýndyna 18 metr bolýy yqtimal. Óte joǵary órt qaýpi saqtalady.
30 maýsymda Atyraý oblysynyń kei jerlerinde naizaǵai, shańdy daýyl kútiledi. Soltústik-batystan jel soǵady, kúndiz naizaǵai kezinde jeldiń ekpini sekýndyna 15-20 metrge jetýi yqtimal.
30 maýsymda kúndiz Qaraǵandy oblysynyń kei jerlerinde 35-38 gradýs ystyq bolady. Kei jerlerde óte joǵary órt kaýpi saqtalady. Qaraǵandy qalasynda kúndiz 1 - 2 shildede 35-37 gradýs qatty ystyq kútiledi. Jezqazǵan qalasynda kúndiz 30 maýsymda - 2 shildede 36-38 gradýs qatty ystyq kútiledi.
Qostanai oblysynda kúndiz 30 maýsym-1 shilde aralyǵynda kei jerlerde 40 gradýs qatty ystyq, órt qaýpi bar.
Soltústik Qazaqstan oblysy Petropavl qalasynda kúndiz 30 maýsymda 35 gradýs ystyq, 1-2 shildede kúndiz 35-37 gradýsqa jetedi, óte joǵary órt qaýpi kútiledi.
Kúndiz 29-30 maýsymda, 1 shildede Almaty oblysynda kei jerlerinde 35-38 gradýs qatty ystyq kútiledi, órt qaýpi saqtalady.
30 maýsymda kúndiz Qyzylorda oblysynda 40-44 gradýs qatty ystyq jáne óte joǵary órt qaýpi bar. Qyzylorda qalasynda 30 maýsymda kúndiz 41-43 gradýs qatty ystyq saqtalady.
Jambyl oblysynda kúndiz 30 maýsym taýly jáne taý bókterindegi aýdandarda naizaǵai, burshaq, soltústik-shyǵystan jel soǵady, kei jerlerde jeldiń ekpini sekýndyna 15-20 metrge jetýi yqtimal. 30 maýsym kúni kúndiz oblystyń basym bóliginde 38 gradýsqa deiin qatty ystyq, órt qaýpi kútiledi. Taraz qalasynda 30 maýsym kúni kúndiz soltústik-shyǵystan jel soǵady, jeldiń ekpini sekýndyna15-20 metrge jetýi múmkin.
Kókshetaý qalasynda 1-2 shildede kúndiz 35-37 gradýs ystyq kútiledi.
Tótenshe jaǵdailar ministrligi ystyqtan saqtaný úshin azamattardy asa qajettilik bolmaǵan jaǵdaida dalaǵa shyqpaýǵa keńes beredi, sondai-aq:
- aǵzany sýsyzdanýdan qorǵaý úshin kóp sý, kúnine keminde 1,5-3 litr suiyqtyq ishý kerek;
- aptap ystyqta kez kelgen fizikalyq belsendilikten bas tartý qajet;
- kúndiz kún sáýlesi bólmege kirmeýi úshin terezelerdi ashyq reńkti perdelermen jabý kerek;
- kún ótpes úshin bas kiim, ashyq aýa ótkizbeitin kiim (maqtadan jasalǵan) kiińiz. Ystyq aýa raiynda balalar erekshe nazarda bolýy tiis.
