Qazaqstanda ana men bala óliminiń kórsetkishi tómendedi. Bul týraly QR Densaýlyq saqtaý vitse-ministri Ajar Ǵiniiat tóraǵalyǵymen ótken náreste ólimin azaitý boiynsha shuǵyl sharalar qabyldaý jónindegi respýblikalyq shtabtyń otyrysynda málim boldy.
Jiynǵa óńirlerdegi densaýlyq saqtaý basqarmalarynyń, respýblikalyq meditsinalyq uiymdardyń jáne meditsinalyq JOO ókilderi qatysty.
QR Densaýlyq saqtaý ministrliginiń baspasóz qyzmetiniń habarlaýynsha, náreste ólimin azaitýǵa halyqaralyq qujattarda sondai-aq elimizdiń baǵdarlamalarynda basymdyq berilgen.
Ajar Ǵiniiat 2020 jyldyń qorytyndysy boiynsha respýblikada oń dinamika baiqalyp, náreste óliminiń kórsetkishi ótken jylmen salystyrǵanda 7,2%-ǵa tómendegendigin atap ótti.
Vitse-ministr keltirgen derekterge qaraǵanda, 2019 jyly 1000 tiri týǵan nárestege shaqqanda 8,40 bolsa, biyl 7,79, al 2020 jylǵa nárestelerdiń ólim-jitim indikatorynyń nysanaly máni QR Densaýlyq saqtaýdy damytýdyń 2020-2025 jyldarǵa arnalǵan memlekettik baǵdarlamasyna sáikes 10,1 quraidy.
Sondai-aq, balalar ólim-jitim kórsetkishi ótken jylǵy kórsetkishpen salystyrǵanda 16,8% -ǵa tómendedi jáne tiri týǵan 1000 balaǵa shaqqanda 2019 jylǵy 10,7-ge qaraǵanda 8,9-dy qurady. QR Densaýlyq saqtaýdy damytýdyń 2020-2025 jyldarǵa arnalǵan memlekettik baǵdarlamasyna sáikes balalar ólim-jitimi kórsetkishiniń nysanaly indikatory 2020 jyldyń qorytyndysy boiynsha 10,6 bolýy tiis.
«Atalǵan kórsetkishterge áser etýdiń mańyzdy aspektileriniń biri - analardyń densaýlyǵyn jaqsartý, perinataldyq jáne neonataldyq kómekti jetildirý, patronajdyq qyzmettiń ámbebap-progressivti modelin, balany emshek sútimen emizýdi qoldaý», - dedi vitse-ministr.
Onyi sózinshe, Densaýlyq saqtaý ministrligi elimizde múmkindigi shekteýli balalarǵa keshendi kómek kórsetýdi jetildirý, onyń ishinde erte jastaǵy skriningterdi qolǵa alý jónindegi jol kartasyn iske asyrý sheńberinde sharalar qabyldap jatyr.
Meditsinalyq-sanitariialyq alǵashqy kómek kórsetý baǵytynda ýchaskelik qyzmettiń balalarmen jumysty uiymdastyrý jáne aralas qyzmettermen sabaqtastyqtyǵyn jaqsartý qajet.
Sonymen birge, meditsina qyzmetkerleriniń biliktiligi men kásibi bilim deńgeiin arttyrý jónindegi jumysty jalǵastyrý, balalar mamandarynyń tapshylyǵyn sheshý, onyń ishinde «Pediatriia (neonatologiia), balalar reanimatologiiasy, anesteziologiia» jáne «balalar pýlmonologiiasy» mamandyqtary boiynsha kadrmen qamtýdy 100%-ǵa deiin jetkizý qajet. Sondai-aq, Memleket basshysynyń tapsyrmasy boiynsha bosandyrý uiymdary men balalar statsionarlaryn zamanaýi jabdyqtarmen tolyq jaraqtandyrý josparlanýda.
