قازاقستاندا انا مەن بالا ٶلٸمٸنٸڭ كٶرسەتكٸشٸ تٶمەندەدٸ. بۇل تۋرالى قر دەنساۋلىق ساقتاۋ ۆيتسە-مينيسترٸ اجار عينييات تٶراعالىعىمەن ٶتكەن نەرەستە ٶلٸمٸن ازايتۋ بويىنشا شۇعىل شارالار قابىلداۋ جٶنٸندەگٸ رەسپۋبليكالىق شتابتىڭ وتىرىسىندا مەلٸم بولدى.
جيىنعا ٶڭٸرلەردەگٸ دەنساۋلىق ساقتاۋ باسقارمالارىنىڭ, رەسپۋبليكالىق مەديتسينالىق ۇيىمداردىڭ جەنە مەديتسينالىق جوو ٶكٸلدەرٸ قاتىستى.
قر دەنساۋلىق ساقتاۋ مينيسترلٸگٸنٸڭ باسپاسٶز قىزمەتٸنٸڭ حابارلاۋىنشا, نەرەستە ٶلٸمٸن ازايتۋعا حالىقارالىق قۇجاتتاردا سونداي-اق ەلٸمٸزدٸڭ باعدارلامالارىندا باسىمدىق بەرٸلگەن.
اجار عينييات 2020 جىلدىڭ قورىتىندىسى بويىنشا رەسپۋبليكادا وڭ ديناميكا بايقالىپ, نەرەستە ٶلٸمٸنٸڭ كٶرسەتكٸشٸ ٶتكەن جىلمەن سالىستىرعاندا 7,2%-عا تٶمەندەگەندٸگٸن اتاپ ٶتتٸ.
ۆيتسە-مينيستر كەلتٸرگەن دەرەكتەرگە قاراعاندا, 2019 جىلى 1000 تٸرٸ تۋعان نەرەستەگە شاققاندا 8,40 بولسا, بيىل 7,79, ال 2020 جىلعا نەرەستەلەردٸڭ ٶلٸم-جٸتٸم ينديكاتورىنىڭ نىسانالى مەنٸ قر دەنساۋلىق ساقتاۋدى دامىتۋدىڭ 2020-2025 جىلدارعا ارنالعان مەملەكەتتٸك باعدارلاماسىنا سەيكەس 10,1 قۇرايدى.
سونداي-اق, بالالار ٶلٸم-جٸتٸم كٶرسەتكٸشٸ ٶتكەن جىلعى كٶرسەتكٸشپەن سالىستىرعاندا 16,8% -عا تٶمەندەدٸ جەنە تٸرٸ تۋعان 1000 بالاعا شاققاندا 2019 جىلعى 10,7-گە قاراعاندا 8,9-دى قۇرادى. قر دەنساۋلىق ساقتاۋدى دامىتۋدىڭ 2020-2025 جىلدارعا ارنالعان مەملەكەتتٸك باعدارلاماسىنا سەيكەس بالالار ٶلٸم-جٸتٸمٸ كٶرسەتكٸشٸنٸڭ نىسانالى ينديكاتورى 2020 جىلدىڭ قورىتىندىسى بويىنشا 10,6 بولۋى تيٸس.
«اتالعان كٶرسەتكٸشتەرگە ەسەر ەتۋدٸڭ ماڭىزدى اسپەكتٸلەرٸنٸڭ بٸرٸ - انالاردىڭ دەنساۋلىعىن جاقسارتۋ, پەريناتالدىق جەنە نەوناتالدىق كٶمەكتٸ جەتٸلدٸرۋ, پاتروناجدىق قىزمەتتٸڭ ەمبەباپ-پروگرەسسيۆتٸ مودەلٸن, بالانى ەمشەك سٷتٸمەن ەمٸزۋدٸ قولداۋ», - دەدٸ ۆيتسە-مينيستر.
ونىٸ سٶزٸنشە, دەنساۋلىق ساقتاۋ مينيسترلٸگٸ ەلٸمٸزدە مٷمكٸندٸگٸ شەكتەۋلٸ بالالارعا كەشەندٸ كٶمەك كٶرسەتۋدٸ جەتٸلدٸرۋ, ونىڭ ٸشٸندە ەرتە جاستاعى سكرينينگتەردٸ قولعا الۋ جٶنٸندەگٸ جول كارتاسىن ٸسكە اسىرۋ شەڭبەرٸندە شارالار قابىلداپ جاتىر.
مەديتسينالىق-سانيتارييالىق العاشقى كٶمەك كٶرسەتۋ باعىتىندا ۋچاسكەلٸك قىزمەتتٸڭ بالالارمەن جۇمىستى ۇيىمداستىرۋ جەنە ارالاس قىزمەتتەرمەن ساباقتاستىقتىعىن جاقسارتۋ قاجەت.
سونىمەن بٸرگە, مەديتسينا قىزمەتكەرلەرٸنٸڭ بٸلٸكتٸلٸگٸ مەن كەسٸبي بٸلٸم دەڭگەيٸن ارتتىرۋ جٶنٸندەگٸ جۇمىستى جالعاستىرۋ, بالالار ماماندارىنىڭ تاپشىلىعىن شەشۋ, ونىڭ ٸشٸندە «پەدياترييا (نەوناتولوگييا), بالالار رەانيماتولوگيياسى, انەستەزيولوگييا» جەنە «بالالار پۋلمونولوگيياسى» ماماندىقتارى بويىنشا كادرمەن قامتۋدى 100%-عا دەيٸن جەتكٸزۋ قاجەت. سونداي-اق, مەملەكەت باسشىسىنىڭ تاپسىرماسى بويىنشا بوساندىرۋ ۇيىمدارى مەن بالالار ستاتسيونارلارىن زاماناۋي جابدىقتارمەن تولىق جاراقتاندىرۋ جوسپارلانۋدا.
