QR Eńbek jáne halyqty áleýmettik qorǵaý ministrligi Áleýmettik kómek saiasatyn damytý departamentiniń direktory Asqar Niiazov ana kapitalyn engizý máselesine qatysty túsinikteme berdi, dep habarlaidy QazAqparat.
«Halyqaralyq tájiribege sáikes, ana kapitaly ýaqytsha is-shara bolyp sanalady jáne halyqtyń tabiǵi kemý protsesin eńserý úshin týýdy yntalandyrý maqsatynda júzege asyrylady. Ana kapitaly ómir boiy bir ret nemese eki ret sertifikat túrinde belgili bir maqsattarǵa beriledi. Mysaly, buǵan turǵyn úi jaǵdaiyn jaqsartý, balalardy tárbieleý, múgedektigi bar balany qoǵamǵa beiimdeý jáne biriktirý, ana zeinetaqysynyń jinaqtaýshy bóligi jatady. Sonymen qatar, sertifikat ieleri árqashan ana kapitalyn paidalana almaidy. Mysaly, turǵyn úi satyp alý úshin ipotekany rásimdeý kezinde somany bastapqy jarna retinde engizý úshin tólem qabilettiligin rastaý kerek, al balalardy oqytý úshin mektepti bitirgenin kútý qajet», - dedi ol Ortalyq kommýnikatsiialar qyzmetindegi brifing barysynda.
Asqar Niiazovtyń dereginshe, elimizdegi ana men balany qoldaýdyń qoldanystaǵy júiesi óteletin táýekeldiń búkil uzaqtyǵy ishinde járdemaqylardy tóleýdiń ýaqtylyǵy men kezeńdiligine kepildik beredi. Sonymen qatar, búgingi tańda bala týýdy arttyrý máselesi Qazaqstanda problemalyq aspekt bolyp tabylmaidy. Óitkeni 2020 jyly bala týý koeffitsienti 3,13-ke jetti. Al halyqtyń ózin-ózi ósirýi úshin jetkilikti deńgei 2,1 bolyp sanalady.
