Qazaqstanda 2019 jyldyń qańtar-shilde ailarynda óńdelmegen jáne jartylai óńdelgen ne bolmasa untaq túrindegi altyn óndirisiniń kólemi 56 289 kg qurady. Bul 2018 jyldyń osy kezeńimen salystyrǵanda 3,3% artyq, dep habarlaidy "Ult aqparat".
QR Ulttyq ekonomika ministrligi Statistika komitetiniń deregine sáikes, esepti kezeńde óńdelmegen jáne jartylai óńdelgen nemese untaq túrindegi kúmis óndirisiniń kólemi 558 195 kg-ǵa jetti. Bul ótken jylmen salystyrǵanda 3% az.
Óńdelmegen aliýminii, aliýminii totyǵy óndirisiniń kólemi 2018 jyldyń osy kezeńimen salystyrǵanda 6,6% tómendep, 965 179 tonna boldy. Al óńdelmegen tazartylǵan qorǵasyn óndirisi 10,3% paiyzǵa azaiyp, 79 534 tonnany, óńdelmegen myrysh óndirisi 3,3% artyp, 192 258 tonnany qurady. Óńdelmegen tazartylǵan, qospasyz mys óndirý kólemi 3,4% paiyzǵa ósip, 270 078 tonnaǵa jetti.
