Qazaqstanda alǵash ret pedagogtyń demalys jáne jumys ýaqyttary zańmen reglamentteldi. Bul týraly Ortalyq kommýnikatsiialar qyzmetindegi baspasóz máslihatynda QR Bilim jáne ǵylym vitse-ministri Bibigúl Asylova aitty, - dep habarlaidy QazAqparat.
«Birinshiden, alǵash ret elimizde pedagogtyń demalys jáne jumys ýaqyttary zańmen reglamenttelip otyr. Iaǵni, osy erejelerge sáikes pedagogikalyq qyzmettiń hronometrajy jasalyp, retteletin bolady. Ekinshiden, osy ýaqytqa deiin bizdiń pedagogtarymyz isteýge májbúr bolyp kelgen túrli jumystar, alýan túrli saýalnama alýǵa jumyldyrý jaittary kóp bolǵan edi. Endigi ýaqytta bilim salasyndaǵy zańnamada kózdelmegen kez kelgen jumysqa pedagogty tartýǵa tyiym salynady», - dedi vitse-ministr dedi BAQ ókilderiniń saýalyna orai.
Onyń atap ótýinshe, qazirgi ýaqytta elimizdiń «Sailaý týraly» Zańy ǵana pedagogterdi belgili bir jumystarǵa tartýǵa múmkindik beredi.
«Degenmen, ol eń aldymen jumystan tys ýaqytta bolýy tiis. Ekinshiden ol pedagogtyń kelisimimen júzege asyrylýy kerek. Úshinshiden oǵan aqy tólenýi qajet. Pedagog balalardy oqytýmen, tárbieleýmen ǵana ainalysýy tiis. Ol ózge jumystarǵa tartylmaýy kerek. Bul jaiynda «Pedagog mártebesi týraly« Zańda naqty jazylǵan», - dedi Bibigúl Asylova.
