16 qazan kúni Qazaqstanda alǵash ret «Nan kúni» atalyp ótti. Bul ataýly kún 2019 jylǵy 16 qyrkúiektegi QR Úkimetiniń qaýlysymen bekitilgen, dep habarlaidy QR AShM baspasóz qyzmeti.
Osyǵan orai «Aqsai» nan-toqash kombinaty bazasynda saltanatty is-shara ótti.
QR Aýyl sharýashylyǵy ministrliginiń Jaýapty hatshysy Marat Orazaev quttyqtaý sóz sóilep, nan kombinatynyń eńbekkerlerin marapattady.
Jyl saiyn respýblikanyń 700-720 myń tonna nan óndiriledi, bul óz óndirisi esebinen eldiń ishki qajettiligin qamtamasyz etýge múmkindik beredi.
Nan jáne unnan jasalǵan konditerlik ónimder eksportynyń kólemi 11,7 myń tonnany, import - 75,7 myń tonnany qurady. Jalpy, 2018 jyly 800,8 myń tonna nan jáne unnan jasalǵan konditerlik ónimder tutynyldy, import úlesi – ishki tutynýdyń jalpy kóleminiń 9,4%-y.
Nan óndirýshiler halyqtyń nanǵa degen suranysyn qanaǵattandyrýmen ǵana emes, sonymen qatar naryqta suranystyń bolýyna bailanysty shyǵarylatyn ónimniń assortimentin keńeitýmen de ainalysady: bul negizinen nan-toqash, uzaq jáne az merzimge saqtalatyn unnan jasalǵan konditerlik ónimder.
AÓK damytýdyń 2017-2021 jyldarǵa arnalǵan memlekettik baǵdarlamasyna sáikes aýyl sharýashylyǵy ónimderin qaita óńdeýmen ainalysatyn AÓK sýbektileri (onyń ishinde nan óndirýshiler) úshin mynadai memlekettik qoldaý sharalary kózdelip otyr:
- ainalym qarajatyn tolyqtyrýǵa berilgen kreditter boiynsha syiaqy mólsherlemesi ony teńgemen jyldyq 5 % (bes) % - ǵa, negizgi quraldardy satyp alýǵa-teńgemen jyldyq 10% (on) % - ǵa tómendetý jolymen sýbsidiialanady. Sýbsidiialardy berý tártibi men sharttary Qazaqstan Respýblikasy Premer-Ministriniń Orynbasary - Qazaqstan Respýblikasy Aýyl sharýashylyǵy ministriniń 2018 jylǵy 26 qazandaǵy № 436 buiryǵymen bekitilgen;
- nan óndirýge eseptelgen QQS somasyn 70% - ǵa azaitý.
Sondai-aq, «qarapaiym zattar ekonomikasy» baǵdarlamasy sheńberinde syiaqy mólsherlemesine sýbsidiialaýmen nesielenetin baǵyttar tizimine «nan óndirisin» engizý máselesi qarastyrylýda.
