Foto: Aqorda
Halyqaralyq balalardy qorǵaý kúni qarsańynda elimizde keń aýqymdy «Qazaqstan balalary» onkúndigi uiymdastyryldy. Aptanyń ár kúni balalyq shaqtyń mańyzdy taqyryptaryna – qaýipsizdik, shyǵarmashylyq, bilim berý jáne taǵy basqa salalarǵa arnaldy, dep habarlaidy Ult.kz.
Elimiz boiynsha jalpy 45 myńnan astam túrli is-shara uiymdastyrylyp, olarǵa 5,6 millionnan astam bala qatysty.
Balalar taqyrybyna arnalǵan 2 myńnan astam material respýblikalyq jáne óńirlik telearnalar men basylymdarda jariialandy. Kóptegen balalar jańalyqtar men baǵdarlamalardyń keiipkerleri, júrgizýshileri men qonaqtary boldy. Áleýmettik jelilerde #Qazaqstanbalalary heshtegimen 100 myńǵa jýyq jazba jariialandy.
Onkúndiktiń jarqyn sátteriniń biri – balalardyń Aqordaǵa, Oqý-aǵartý ministrligine ekskýrsiiasy men «Ministrge hat» aktsiiasy boldy.
Elimizdiń barlyq óńirinde balalar men ákimder, ákim orynbasarlary arasynda kezdesýler ótti. Aýyldar men qalalarda mádeni, bilim berý jáne qaiyrymdylyq sharalary uiymdastyryldy. Festivalder, sheberlik saǵattary, ashyq sabaqtar, kinoteatrlarda, teatrlar men murajailarda tegin kórsetilimder ótti. Jańa bilim berý nysandary paidalanýǵa berildi.
Onkúndik Oqý-aǵartý ministrligi men ortalyq memlekettik jáne jergilikti atqarýshy organdardyń birlesip uiymdastyrýymen ótkizildi.
