Búgin QR Aqparat jáne qoǵamdyq damý ministrliginiń bastamasymen Qazaqstan Táýelsizdiginiń 30 jyldyǵyna orai «Balapan» telearnasynyń janynan «Erekshe bilim berý qajettilikteri bar balalarǵa arnalǵan áleýmettik animatsiia mektebi jumysyn bastady, dep habarlaidy "Ult aqparat" vedomstvonyń baspasóz qyzmetine silteme jasap.
Arnaiy joba Ortalyq Aziiada alǵash ret júzege asyrylýda. Mektep oqýshylaryna Qazaqstannyń, Japoniianyń, Ońtústik Koreianyń úzdik mýltiplikatorlary dáris oqidy.
Mektep erekshe bilim alý qajettilikteri bar balalardyń áleýmettik beiimdelýine yqpal etetin jańa daǵdylardy úirenýge jáne qabiletin arttyrýǵa múmkindik beredi. Uiymdastyrýshylar áleýmettik qoldaýdan basqa, televiziialyq dizain salasynda suranysqa ie mamandardy oqytýdy jáne úzdik túlekterdiń bolashaqta jumysqa ornalasýyna múmkindik jasaýdy kózdeidi.
«Balapan» telearnasy janyndaǵy mekteptiń taǵy bir ereksheligi, jasóspirimder oqýdan keiin qalyptasqan eresek mamandardan keńes pen qoldaý ala alady. Jobaǵa qatysý úshin 14-16 jas aralyǵyndaǵy 30 bala iriktelip alyndy, olar 2021 jyldyń naýryz-tamyz ailarynda onlain-formatta oqidy.
Oqýdyń birinshi aiynda balalar animatsiia negizderi boiynsha jalpy dáris oqidy dep josparlanǵan. Ári qarai qyzyǵýshylyǵy men beiimine qarai birneshe topqa bólinip oqytylady.
Oqýǵa túsýdiń negizgi talaptary — balalardyń oqýǵa degen yntasy men qyzyǵýshylyǵy, jasóspirimderdiń shyǵarmashylyq áleýeti. Sonymen qatar animatsiia salý adamǵa fizikalyq turǵyda kúsh túsirmeidi.
Búgingi tańda Qazaqstanda animatsiialyq dizain salasy qarqyndy damyp keledi. Oqý kýrsy tegin jáne jeke animatsiialyq stýdiialardyń atsalysýymen qaiyrymdylyq joba retinde júzege asyrylady. «Qazaqstan» teleradiokorporatsiiasy balalarǵa oqý úshin qajetti arnaiy planshet pen basqa da tehnikalyq quralmen qamtamasyz etedi.
