10-13 maýsym aralyǵynda Astana álemdik týristik kinonyń ortalyǵyna ainalady. Elorda qazirdiń ózinde qazaqstandyq týrizmniń jańa perspektivalaryn ashatyn «Divo Mira» halyqaralyq týristik kinofestivaliniń premerasyna daiyndalýda.
Festival-baiqaý Reseide de, TMD elderinde jáne basqa da elderde týrizmdi ilgeriletýge, sondai-aq týristik baǵyt retinde aimaqtardyń ekonomikasyn yntalandyrýǵa baǵyttalǵan. Ótkiziletin oryn retinde Astananyń tańdalýyna qaladaǵy kirý jáne ishki týrizmniń belsendi damýy sebep bolyp otyr.
Festival Astana qalasyn damytý ortalyǵy men Aqmola oblysynyń týrizm basqarmasynyń qoldaýymen Belarýs, Qazaqstan, Qytai, Resei, Ózbekstan jáne basqa da elderdiń eń kórnekti beinematerialdaryn usynady. Baiqaýǵa qatysýshylar 30-dan astam nominatsiia boiynsha baq synasady.
Qatysýshylardyń jumysyn beine, marketing, teledidar, týristik media jáne videobloging indýstriiasynyń jetekshi ókilderinen turatyn sarapshy qazylar alqasy baǵalaidy.
Qatysý sharttary men nominatsiialar tizimi divo.su resmi saitynda ornalastyrylǵan.
