Qazaqstanda 2019 jyldyń kókteminde áskerge shaqyrylǵan merzimdi áskeri qyzmetshilerdi zapasqa shyǵarý ýaqytsha toqtatyldy. Bul týraly QR Qarýly kúshteri Bas shtabynyń uiymdastyrý, jumyldyrý jumystary departamentiniń basshysy Sáken Júsipov málim etti, dep habarlaidy QazAqparat.
«Áskeri qyzmet jáne áskeri qyzmetshilerdiń mártebesi týraly QR zańyna sáikes Qarýly kúshterdiń jaýyngerlik ázirligin qoldaý maqsatynda TJ kezinde 2019 jyldyń kókteminde áskerge shaqyrylǵan merzimdi áskeri qyzmetshilerdi zapasqa shyǵarý ýaqytsha toqtatyldy. Zapasqa shyǵarǵanǵa deiin osy áskeri qyzmetshilerdi kiim-keshekpen, azyq-túlikpen, qarjymen jáne meditsinalyq turǵyda qamtamasyz etý tártibi saqtalady. Sonymen qatar, barlyq óńirde áskerge shaqyrý jáne meditsinalyq komissiialardyń jumystary toqtatyldy. Osyǵan bailanysty Memleket basshysy azamattardy merzimdi áskeri qyzmetke shaqyrý merzimderin 2020 jyldyń maýsymynan tamyzyna aýystyrý týraly Jarlyqqa qol qoidy», - dedi Sáken Júsipov OKQ-da onlain-rejimde ótken baspasóz máslihatynda.
Jarlyqqa sáikes azamattardy áskerge shaqyrýdyń budan buryn bekitilgen merzimin osy jyldyń maýsymynan tamyzyna deiin uzartý kózdeledi.
Eske sala ketsek QR Prezidenti Qasym-Jomart Toqaev áskeri qyzmetshilerdi zapasqa shyǵarý týraly Jarlyqqa qol qoiǵan bolatyn.
