Qazaqstanda 1 qańtardan bastap áleýmettik sala qyzmetkerleriniń laýazymdyq jalaqysy 50% artty, dep habarlaidy "Ult aqparat".
QR Eńbek jáne áleýmettik qorǵaý ministrliginen málim etkendei, áleýmettik sala mamandarynyń eńbekaqysy budan ári de ósi bermek. Máselen, 2022 jyly - 25%, 2023 jyly taǵy 25% artady. Bul maqsatqa memlekettik biýdjetten aldaǵy úsh jylǵa 95 mlrd teńge bólindi.
QR Úkimetiniń biylǵy 12 qańtarda ótken otyrysynda «Azamattyq qyzmetshilerge, memlekettik biýdjet qarajaty esebinen ustalatyn uiymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júiesi týraly» QR Úkimetiniń 2015 jylǵy 31 jeltoqsandaǵy № 1193 qaýlysyna ózgerister engizý týraly» qaýly qabyldandy.
Oǵan sáikes,
- statsionarlyq jáne jartylai statsionarlyq úlgidegi meditsinalyq-áleýmettik mekemelerde (MÁM);
úide qyzmet kórsetý uiymdarynda;
ýaqytsha bolý uiymdarynda;
jumyspen qamtý ortalyqtarynda qyzmet etetin basshylyq quram men negizgi personaldyń (áleýmettik qyzmetkerler, pedagogtar, meditsina qyzmetkerleri jáne t.b.) jalaqysyn úsh jyl ishinde arttyrý kózdelgen.
«Qaýlyda sondai-aq qoldanystaǵy qosymsha aqynyń mólsherin bazalyq laýazymdyq jalaqynyń 30%-ynan laýazymdyq jalaqynyń 40%-yna ózgertý jolymen statsionarlyq jáne jartylai statsionarlyq úlgidegi MÁM-de, úide qyzmet kórsetý jáne ýaqytsha bolý uiymdarynda jumys isteitin ákimshilik jáne qosalqy personal úshin jalaqyny arttyrý kózdelgen», - delingen ministrlik aqparatynda.
