Ótken aptada (2022 jylǵy 19-25 naýryz) Qazaqstan Respýblikasynda áleýmettik mańyzy bar azyq-túlik taýarlary baǵasynyń 1,7 paiyzǵa ósýi tirkeldi.
Jyl basynan beri ÁMAT baǵasy 9,9 paiyzǵa ósken.
Bir apta ishinde eń kóp qymbattaǵan ónimder: qyryqqabat – 11%, piiaz – 9,3%, qant – 6,3%, kartop – 4,7%, sábiz – 3,3%, taýyq jumyrtqasy – 1,7%.
Bir aptada ÁMAT baǵasynyń eń joǵary ortasha ósimi Almaty qalasynda jáne Qaraǵandy oblysynda – 3,5%-ǵa, Túrkistan oblysynda – 2,5%-ǵa, Jambyl oblysynda – 2,2%-ǵa tirkeldi.
Monitoringtik toptardyń esepterine sáikes, Qazaqstan Respýblikasynda kásipkerlerdiń ÁMAT-qa ruqsat etilgen 15% bólshek saýda ústemesin saqtaýyna tekseris júrgizildi.
Tekserý nátijesinde bir apta ishinde elimizde 749 saýda tártibin buzýshylyq — áleýmettik mańyzy bar azyq-túlik ónimderine baǵany ruqsat etilgen bólshek saýda ústemesinen asyrý jaǵdailary anyqtaldy.
ÁMAT-qa saýda ústemelerin asyrý qant boiynsha 40%-ǵa deiin, kúnbaǵys maiy boiynsha 35%-ǵa deiin jáne kókónister boiynsha 25%-ǵa deiin anyqtaldy.
Baǵanyń negizsiz ósýine jol bermeý, infliatsiiany ruqsat etilgen shekterde ustap turý jáne makroekonomikalyq turaqtylyqty qamtamasyz etý maqsatynda ótken aptada elimizde monitoringtik toptardyń jumysy respýblikalyq mańyzy bar qalalar men óńirler deńgeiinen aýdandar deńgeiine deiin keńeitildi.
Premer-Ministrdiń Túrkistan oblysynan erte pisetin kókónisterdi jetkizýge aldyn ala sharttar jasaý týraly tapsyrmasyn oryndaý maqsatynda Qazaqstannyń 9 óńiri kelisimshart jasap, erte pisetin qyryqqabatty jetkizýge qarajat bóldi.
Aýyl sharýashylyǵy ministrliginiń aqparatyna sáikes, Qazaqstan Respýblikasynda 2022 jylǵy 24 naýryzdaǵy jaǵdai boiynsha shamamen 1,1 mln tonnany quraityn ÁMAT jetkilikti qory qalyptastyryldy.
Atap aitqanda, kartop qory 380 myń tonnany quraidy, erte egin boljamy 170 myń tonnadan asady; 32 myń tonna qyryqqabat saqtalýda. Búgingi tańda qant qory 34,5 myń tonnany quraidy (eldiń ortasha jyldyq qajettiligi – shamamen 44 myń tonna), oǵan qosa keiin óńdeletin 30 myń tonna qant shikizaty bar.
Monopoliiaǵa qarsy áreket etý sharalaryn qoldaný aiasynda taýyq etin kóterme saýdada jetkizýshi (Qostanai oblysy), taýyq jumyrtqasyn óndirýshiler (Qaraǵandy, Aqmola, Pavlodar, Soltústik Qazaqstan oblystary), kóterme saýdada jetkizýshi (Aqtóbe oblysy), ammiak selitrasyn (Mańǵystaý oblysy) jáne ammofos óndirýshiler (Almaty) boiynsha 8 tergeý júrgizilýde.
Bir apta ishinde Almaty oblysyndaǵy «FýdmasterTreid kompaniiasy» JShS-ǵa bir eskertý jasaldy, sondai-aq Pavlodar oblysyndaǵy «Grano-PV» JShS jáne «Tsarskaia kasha» JShS qaraqumyq jarmasyn óndirýshilerge, Almatydaǵy «SaharProm Kazahstana» JShS qantty kóterme jetkizýshige 3 habarlama jiberildi.
Premer-Ministr Aýyl sharýashylyǵy ministrligine ÁMAT qorlaryn bólýdi úilestirý jumysyn kúsheitý qajet ekenin atap ótti.
Keńes barysynda ÁMAT baǵasyn baqylaýǵa qatysty jaǵdaimen qatar, indýstriia jáne infraqurylymdyq damý ministri Q. Óskenbaevtyń Memleket basshysynyń arnaiy ekonomikalyq aimaqtardyń tiimdiligin arttyrý jónindegi tapsyrmasyn oryndaý týraly baiandamasy tyńdaldy.
Keńes sońynda Álihan Smaiylov Indýstriia jáne infraqurylymdyq damý ministrligine óńir basshylarymen birlesip, AEA qyzmetiniń tiimdiligin qosymsha taldap, basym baǵyttaryn anyqtaýdy tapsyrdy.
