QR Aýyl sharýashylyǵy ministrligi halyqtyń azyq-túliktiń negizgi túrlerimen qamtamasyz etilýine monitoring júrgizip jatyr, dep habarlaidy "Ult aqparat".
«Qazirgi ýaqytta aimaqtardaǵy turaqtandyrý qorlarynda, óndirýshilerdiń qoimalarynda, saýda-sattyq uiymdary men ózge de saqtaý qoimalarynda 12 mln tonna áleýmettik mańyzy bar azyq-túlik bar. Bul kólem azyq-túliktiń túrlerine bailanysty 1 jyldan 6 aiǵa deiin jetkilikti. Azyq-túlik taýarlarynyń óndirisi toqtamaidy. Turaqty qor barshylyq», - dep habarlady Aýyl sharýashylyǵy ministrliginen.
Azyq-túlikter men taýarlar óndiris ornynan saýda ortalyqtary men bazarlarǵa josparlanǵan keste boiynsha jetkiziledi.
«QR Úkimeti azyq-túliktiń negizgi túrleriniń ádeii qymbattap ketýin boldyrmaý sharalaryn júzege asyryp jatyr. Jergilikti atqarýshy organdar áleýmettik mańyzy bar azyq-túlikterdiń baǵalaryn baqylaýda ustaýda», - dep habarlaidy ministrlikten.
AShM sonymen qatar UR Ulttyq ekonomika ministrliginiń básekeni qorǵaý jáne damytý komiteti naryq sýbektileriniń baǵa boiynsha sóz bailasýyna boldyrmaý úshin baqylaýdy kúsheitkenin habarlaidy. Mundai jaǵdaida naryq sýbektilerine aiyppul sanktsiialary engizilmek.
«Azamattardy dúrbeleńge berilmeýge shaqyramyz. Eger áleýmettik mańyzy bar azyq-túlik baǵasynyń negizsiz óskenin baiqasańyz, +7 7172 74-96-71 nómirine nemese Telegram arnasyna habarlasýǵa bolady», - dep habarlaidy AShM-nan.
