2022 jyldyń qańtary men naýryzy aralyǵynda elimizde áleýmettik mańyzy bar azyq-túlik baǵasy 11,4 paiyzǵa qymbattady, dep habarlaidy QazAqparat.
QR Ulttyq statistika biýrosy usynǵan derekterge sáikes, ótken aptanyń ishinde áleýmettik mańyzy bar azyq-túlik baǵasy – 1,3, al aidyń basynan beri – 9,1, jyl basynan beri 11,4 paiyzǵa qymbattaǵan. Jyldyq mánde 19 taýar ataýyn qamtityn azyq-túlik baǵasy 18,6 paiyzǵa kóterilgen. Bul 2021 jyldyń dál osyndai kezeńindegi kórsetkishten 8,1 paiyzǵa joǵary.
Sonymen biýronyń statistikalyq málimetterine qaraǵanda, elimizde kelesi azyq-túlikterdiń ortasha baǵasy mynadai: bir keli un - 193, nan – 171, kúrish – 265, qaraqumyq – 458, kúnbaǵys maiy – 788, siyr eti – 2131, taýyq eti – 1033, qant – 397, on dana jumyrtqa– 391 teńge.
