2022 jyldan bastap fiskaldyq tártipti jáne ekonomikanyń syrtqy tosyn ózgeristerine beiimdiligin arttyratyn jańa biýdjettik qaǵidalar engiziledi. Úkimet otyrysynda Ulttyq bank tóraǵasy Erbolat Dosaev osylai dedi, dep habarlaidy QazAqparat.
«Fiskaldyq saiasattyń kontrtsikldylyǵyn arttyrý kózdelgen. Onyń aiasynda Úkimet Ulttyq bankpen birlesip, 2022 jyldan bastap fiskaldyq tártipti jáne ekonomikanyń syrtqy tosyn ózgeristerge beiimdiligin arttyratyn jańa biýdjettik qaǵidalardy engizýdi qamtamasyz etedi. Ulttyq bank qarjylyq turaqtylyqty qamtamasyz etýge jáne qarjy sektoryn damytýǵa járdem kórsetedi. Memleket basshysynyń tapsyrmasy boiynsha 2022 jyldan bastap ulttyq taýar ótkizý júiesimen odan ári yqpaldastyra otyryp, áleýmettik ámiiandy engizý josparlanýda», - dedi Erbolat Dosaev.
Onyń aitýynsha mezettik tólemder júiesin damytý arqyly ulttyq tólem júiesin qurý jáne tólem kartochkalarynyń bankaralyq júiesin uiymdastyrý jumysy jalǵasady. Bul halyq pen biznes úshin tranzaktsiialyq shyǵyndardy tómendetýge, qarjylyq qyzmetterdiń qoljetimdiligin arttyrýǵa jáne qarjy naryǵyndaǵy básekelestikti keńeitýge múmkindik beredi.
