Foto: ashyq derekkóz
Qazaqstanda aldaǵy ýaqytta Birikken Arab Ámirliginiń banki ashylady, dep habarlaidy Ult.kz.
Qarjy naryǵyn retteý jáne damytý agenttiginiń tóraǵasy Madina Ábilqasymova Qazaqstanǵa sheteldik bankterdiń kelýi naryqqa oń áser etetinin atap ótti. Bul básekeniń artýyna jáne paiyzdyq stavkalardyń tómendeýine alyp kelmek. Sonymen qatar, elimizdiń ekinshi deńgeili bankteri tsifrlandyrý salasynda aitarlyqtai damyǵan.
"Bank qyzmetteri men nesielendirý naryǵynda básekeniń artýy múmkin. Báseke bolǵan jerde tiimdi jaǵdailar paida bolady. Bizdiń bankter de turaqty, qazirgi tańda tsifrlandyrýǵa úlken investitsiialar quiyp jatyr, sondyqtan sheteldik bankterdiń naryqqa enýi básekelestikke sebep bolady," – dedi Ábilqasymova.
Sondai-aq, qazirgi ýaqytta birneshe mikroqarjy uiymy ekinshi deńgeili bankterge ainalýda. Mysaly, "BNK Finance" kompaniiasy bank litsenziiasyn alýǵa talpynýda, al Katar investorlary Bereke Bank-ti satyp alý arqyly naryqqa kirip jatyr. Birikken Arab Ámirlikterinen Abu Dhabi Commercial Bank-tiń naryqtaǵy úlesin keńeitý boiynsha jumystar júrgizilýde. Bul bank BAÁ-de úshinshi orynda, aktivteri 155 milliard dollardy quraidy. Olar Islam bank qyzmetterin usyný úshin ruqsat alýǵa daiyndalýda.
Sonymen qatar, KMF pen Solva mikroqarjy uiymdarynyń bank litsenziiasyn alý protsesinde ekendigi de aityldy.
