QR Prezidenti Qasym-Jomart Toqaev reseilik basylym «Komsomolskaia pravda» gazetine bergen suhbatynda «Qazaqstanda AQSh áskeri bazasy paida bolýy múmkin be?» degen suraqqa jaýap berdi.
«Qazaqstanda AQSh-tyń áskeri bazasyn salý talqylanyp jatqan joq jáne bul másele kún tártibinde turǵan joq. Sonymen birge, Qazaqstan men Amerika Qurama Shtattary arasyndaǵy yntymaqtastyq energetika, investitsiia, tehnologiia siiaqty strategiialyq salalarda tabysty damyp keledi. Biz qarýsyzdaný jáne iadrolyq qarýdy taratpaý máseleleri boiynsha udaiy bailanystamyz. Oǵan qosa, biz Almatydaǵy burynǵy obaǵa qarsy institýt bazasynda biologiialyq qaýipsizdik salasy boiynsha da jumys istedik. Biraq qazir kelisimsharttyń aiaqtalýyna bailanysty amerikalyqtar zerthanadan ketip, onda tek qazaqstandyq mamandar biýdjet qarajaty esebinen jumys isteidi. Osy saladaǵy zertteýlerdiń ózektiligin eskere otyryp, biz reseilik mamandarmen de tyǵyz yntymaqtastyq ornatýǵa daiynbyz», - dedi Qasym-Jomart Toqaev.
