Sońǵy kúnderi birshama reseilik BAQ pen internet-resýrstarda Kaspii teńizindegi qazaqstandyq porttardy AQSh áskeri-teńiz kúshteri paidalanatyny týraly jáne tipti Qazaqstan aýmaǵynda AQSh-tyń áskeri bazasy ashylatyny týraly negizsiz paiymdy arqaý etken ártúrli materialdar jariialandy. Bul týraly Qazaqstan Respýblikasynyń Resei Federatsiiasyndaǵy elshiligi habarlaidy.
«Olardyń (negizsiz aqparattardyń -avt.) paida bolýyna 2010 jyldyń 20 maýsymynda qol qoiylǵan ekijaqty Qazaqstandyq-amerikalyq kelisimge ózgeris engizý týraly hattama sebep bolyp otyrǵandyqtan, tilshilerge atalǵan qujat týraly málimetti usynamyz:
Qazaqstan Respýblikasynyń Úkimeti men Amerika Qurama Shtattarynyń Úkimeti arasyndaǵy Aýǵanstan Islam Respýblikasynyń turaqtylyǵy jáne qaita qalpyna keltirý jónindegi is-qimylǵa Amerika Qurama Shtattarynyń qatysýyna bailanysty Qazaqstan Respýblikasynyń aýmaǵy arqyly arnaiy júktiń kommertsiialyq temirjol tranzitin qamtamasyz etý týraly kelisimi.
Sonymen birge, engizilgen ózgeristerdiń mátinin keltiremiz:
Kelisimniń 3-baby 2-bóligin kelesi redaktsiiamen baiandaý: «2. Arnaiy júk pen birge baratyn personaldyń kommertsiialyq temir jol tranziti kelesi baqylaý-ótkizý pýnkteri arqyly ótýi kerek: a) Resei Fedeartsiiasynan/ Resei Fedeartsiiasyna: Iletsk/Jaisań; b) Ózbekstan Respýblikasynan/Ózbekstan Respýblikasyna: Sary-Aǵash/Keles jáne/nemese Beineý/Qaraqalpaqstan; v) Qazaqstan Respýblikasynan/Qazaqstan Respýblikasyna: Aqtaý porty; g) Qazaqstan Respýblikasynan/Qazaqstan Respýblikasyna: Quryq porty».
Jalpy, bul jerde Aýǵanstandaǵy jaǵdaidy turaqtandyrýǵa atsalysý baǵytyndaǵy barlyq halyqaralyq birlestikterdiń kúsh salýy týraly aitylyp otyr. Belgili bolyp otyrǵandai, Resei Federatsiiasy AQSh-pen osyndai kelisim jasasyp, arnaiy júkterdi tasymaldaýǵa qatysqan (ol jerde qarýlandyrýsyz arnaiy tehnika týraly aitylýda).
Osylaisha, joǵaryda atalǵan reseilik BAQ pen internet-resýrstardyń jariialanymdaryn jalǵan jańalyqtardyń qataryndaǵy oidan shyǵarylǵan negizsiz aqparat dep esepteýdi suraimyz», - delingen habarlamada.
