Ádilet ministrligi ákimshilik aiyppuldardyń somasyn azaitýǵa arnalǵan zań jobasyn jasady, - dep habarlaidy "Ult aqparat" kaz.tengrinews.kz portalyna silteme jasap.
"Ministrlik múddeli memlekettik organdardyń qyzmetkerlerimen jáne "Atameken" Ulttyq kásipkerler palatasymen birige otyryp, "QR Ákimshilik quqyq buzýshylyq týraly kodeksine ózgertýler men tolyqtyrýlar engizý týraly" zańnyń jobasyn jasady. Osy zańnamaǵa sáikes, ákimshilik aiyppuldardyń kólemin qysqartý, sondai-aq, eskertý túrinde jasalǵan ákimshilik jazalardyń baptaryn kóbeitý usynylady", - dedi Ádilet ministri Marat Beketaev alqa otyrysy barysynda.
Ádilet ministriniń aitýynsha, jazany jeńildetetin jaǵdailar bolǵanda salynatyn ákimshilik aiyppuldyń somasyn jalpy somadan 30 paiyzǵa deiin azaitý usynylady.
