Qazaqstandaǵy 17 óńirdiń toǵyzy birjada obligatsiialar ornalastyryp, 100 milliard teńge aldy, - dep habarlaidy Tengrinews.kz tilshisi finprom.kz saityna silteme jasap.
Qazaqstandyq KASE birjasyna 9 óńir ákimdigi obligatsiiasyn shyǵardy. Bul rette 100 milliard teńge qaryzdyń tek 40,2 milliardy Túrkistan oblysyna tartylǵan. Óńir ákimdigi "Jumyspen qamtýdyń 2020-2021 jyldarǵa arnalǵan jol kartasy" baǵdarlamasy, sondai-aq basqa da memlekettik jáne úkimettik baǵdarlamalar boiynsha shyǵyndardy jabý úshin naýryz jáne maýsymda obligatsiialar ornalastyrǵan.
Bul rette respýblikalyq biýdjetten nysanaly transfertter de barlyq ákimdikke bólinedi. Mysaly, dál osy Túrkistan oblysy bul kórsetkish boiynsha kósh bastap tur, biyl óńirge 221,7 milliard bólingen. Osyǵan qaramastan, óńir ákimdigi nesie tartqan. Degenmen sońǵy jarty jyl ishinde óńir biýdjetindegi 2 milliard teńge igerilmegen.
Igerilmegen qarjy aýyl sharýashylyǵy men qorshaǵan ortany qorǵaý (412,4 million eńge), kólik jáne bailanys (308,8 million teńge), sondai-aq turǵyn úi-kommýnaldyq sharýashylyq (223,9 million teńge) salalaryna tiesili.
Aimaqtar arasynda birjaǵa túsken qarajat boiynsha Almaty men Shymkent ákimdikteri de kósh bastap tur, olar sáikesinshe 20,6 milliard teńge jáne 17,6 milliard teńge, al basqa ákimdikter - 7 milliard teńgeden aspaityn qarajat tartty.
