قازاقستانداعى 17 ٶڭٸردٸڭ توعىزى بيرجادا وبليگاتسييالار ورنالاستىرىپ, 100 ميلليارد تەڭگە الدى, - دەپ حابارلايدى Tengrinews.kz تٸلشٸسٸ finprom.kz سايتىنا سٸلتەمە جاساپ.
قازاقستاندىق KASE بيرجاسىنا 9 ٶڭٸر ەكٸمدٸگٸ وبليگاتسيياسىن شىعاردى. بۇل رەتتە 100 ميلليارد تەڭگە قارىزدىڭ تەك 40,2 ميللياردى تٷركٸستان وبلىسىنا تارتىلعان. ٶڭٸر ەكٸمدٸگٸ "جۇمىسپەن قامتۋدىڭ 2020-2021 جىلدارعا ارنالعان جول كارتاسى" باعدارلاماسى, سونداي-اق باسقا دا مەملەكەتتٸك جەنە ٷكٸمەتتٸك باعدارلامالار بويىنشا شىعىنداردى جابۋ ٷشٸن ناۋرىز جەنە ماۋسىمدا وبليگاتسييالار ورنالاستىرعان.
بۇل رەتتە رەسپۋبليكالىق بيۋدجەتتەن نىسانالى ترانسفەرتتەر دە بارلىق ەكٸمدٸككە بٶلٸنەدٸ. مىسالى, دەل وسى تٷركٸستان وبلىسى بۇل كٶرسەتكٸش بويىنشا كٶش باستاپ تۇر, بيىل ٶڭٸرگە 221,7 ميلليارد بٶلٸنگەن. وسىعان قاراماستان, ٶڭٸر ەكٸمدٸگٸ نەسيە تارتقان. دەگەنمەن سوڭعى جارتى جىل ٸشٸندە ٶڭٸر بيۋدجەتٸندەگٸ 2 ميلليارد تەڭگە يگەرٸلمەگەن.
يگەرٸلمەگەن قارجى اۋىل شارۋاشىلىعى مەن قورشاعان ورتانى قورعاۋ (412,4 ميلليون ەڭگە), كٶلٸك جەنە بايلانىس (308,8 ميلليون تەڭگە), سونداي-اق تۇرعىن ٷي-كوممۋنالدىق شارۋاشىلىق (223,9 ميلليون تەڭگە) سالالارىنا تيەسٸلٸ.
ايماقتار اراسىندا بيرجاعا تٷسكەن قاراجات بويىنشا الماتى مەن شىمكەنت ەكٸمدٸكتەرٸ دە كٶش باستاپ تۇر, ولار سەيكەسٸنشە 20,6 ميلليارد تەڭگە جەنە 17,6 ميلليارد تەڭگە, ال باسقا ەكٸمدٸكتەر - 7 ميلليارد تەڭگەدەن اسپايتىن قاراجات تارتتى.
