Qazaqstanda AI-92 markaly benzin bir jylda 15 paiyzǵa qymbattaǵan. Al jazǵy jáne qysqy otyn bir jylda birden 23-24 paiyzǵa qymbattaǵan, - dep jazady Energyprom.kz sarapshylary.
Carapshylardyń málimetinshe, 2018 jyldyń qańtar-naýryz aralyǵy aralyǵynda 830,8 myń tonna benzin ónidirilgen. Bul byltyrmen salystyrǵanda 2,6 paiyzǵa kóp eken.
"Biraq dizel otynynyń kólemi aitarlyqtai azaidy: osy jyldyń basynan beri 1,06 million tonna óndirildi. Bul kórsetkish 2017 jylmen salystyrǵanda 2,9 paiyzǵa kem", - deidi mamandar.
Sondai-aq, sarapshylardyń málimetinshe, dizel otyny kóbine Pavlodar oblysynda óndirilgen. Onda 442,9 myń tonna otyn óndirilgen. OQO (285,7 myń tonna) men Atyraý oblystarynda (283,4 myń tonna) da dizel kólemi kóp ekeni aitylady.
"AI-92 benzininiń baǵasy bir aida 1,1 paiyzǵa qymbattap, 2018 jyldyń naýryzdaǵy jaǵdaiy boiynsha 163,4 teńgege teń boldy. Biraq onyń baǵasy bir jylda 14,9 paiyzǵa qymbattady. Al AI-95/96 benziny bir aida 0,2 paiyzǵa qymbattap, litri 178,2 teńge boldy. AI-98 bir aida 0,9 paiyzǵa qymbattap, 192,1 teńgege jetti", - delingen mamandardyń zertteýinde.
