Qazaqstanda AI-80 benzini qymbattaýy múmkin. Kolesa.kz saitynyń málimetinshe, Energetika ministrligi otynnyń osy túrin memleket tarapynan retteýdi alyp tastaityn buiryq daiyndap jatyr.
Ministrdiń memlekettik retteý bekitiletin munai ónimderiniń tizimin alyp tastaý, sondai-aq shektik bólshek saýda baǵasyn toqtatý týraly talqylaý egov.kz saitynda jariialanǵan.
"Maýsym aiynyń ortasynda qujat Ulttyq ekonomika ministrligimen kelisilip, Ádilet ministrliginde tirkeledi jáne ol jariialanǵan soń 10 kúnnen keiin kúshine enedi dep boljanyp otyr. Osylaisha, 2017 jyldyń shilde aiynyń basynda Qazaqstanda memleket retteitin birde-bir janar-jaǵarmai materialdarynyń birde-bir túri qalmaidy", - dep jazady basylym.
Qazirgi ýaqytta AI-80 markaly munaidy memleket retteidi. AI-92 markaly munaidyń baǵasyn ministrlik 2015 jyldyń qyrkúieginen bastap rettemeidi. 2016 jyldyń tamyzynda soliarka erkin baǵada satyla bastaǵan edi. Búginde AI-80 markaly benzinine jii defitsit paida bolady, al 2018 jyly janarmai quiý beketterinen tipti de joǵalyp ketýi múmkin.
