Qazaqstanda atom elektr stansasy qurylysy múmkindigin zertteý kezeńi júrip jatyr. Bul týraly Energetika ministri Qanat Bozymbaev Parlament Májilisindegi Úkimet saǵatynyn keiin tilshilerge málim etti, dep habarlaidy QazAqparat tilshisi.
«Qazaqstanda atom stansasy qurylysy boiynsha eshqandai sheshim qabyldanbaǵany týraly taǵy da qadap aitamyn. Biz stansa qurylysynyń múmkindigin zertteý kezeńin atqarýdamyz. Onyń ishinde tehnologiialardy óndiretin elderden tiisti málimetterdi surastyrýdamyz. Bul turǵyda tehnikalyq sipattamalar, baǵa deńgeii boiynsha zertteý júrýde», - dedi Bozymbaev.
Onyń sózine qaraǵanda, Úkimet pen «Samuryq-Qazyna» kompaniiasy bul máseleni pysyqtaǵannan keiin, ony qoǵam talqysyna shyǵarý múmkindigi bolady.
«Ózderińiz bilesizder, Prezident Qasym-Jomart Toqaev Semeige sapary barysynda bul másele qoǵamdyq pikirdi eskere otyryp sheshiletinin aitty», - dedi vedomstvo basshysy.
Eske salsaq, biyl sáýir aiynda Semei qalasynyń ziialy qaýym ókilderimen kezdesken Memleket basshysy Qasym-Jomart Toqaev atom elektr stansasynyń qurylysyna qatysty oiymen bólisti.
«Buǵan qosa, el halqynyń basym bóliginiń pikiri eskerilmesten AES qurylysy týraly sheshim qabyldanbaidy. Bul búkil halqymyzdyń múddesine qatysty bar barynsha ózekti másele jáne olardyń pikirleri qaperge alynady», - dedi Q.Toqaev.
Budan buryn habarlanǵandai, biyl kóktemde QR Energetika ministri Qanat Bozymbaev reseilik taraptyń Qazaqstanda atom elektr stansasyn salý usynysyna qatysty pikir bildirgen edi.
