Almaty oblysynyń ákimi Qanat Bozymbaev Qazaqstanǵa bazalyq qýat kózi retinde Atom elektr stantsiiasy (AES) qajet ekenin aitty, - dep habarlaidy Tengrinews.kz tilshisi oblys ákiminiń baspasóz qyzmetine silteme jasap.
"Birden aitaiyn: Qazaqstanda atom stantsiiasy salynýyn qoldaimyn. Men uzaq ýaqyt energetika salasynda jumys istedim. Institýttar birneshe jyldan keiin elektr energiiasy tapshylyǵy bolýy múmkin ekenin kórsetip otyr. Bizge bazalyq qýat qajet", - dedi oblys ákimi.
Bozymbaev Atom elektr stantsiiasyn salýǵa bailanysty qorqynysh qazaqstandyqtarda gendik deńgeide ekenin atap ótti.
"Bul máselege óte muqiiat qaraýymyz kerek. AES qai jerde salynatynyn, Balqash nemese Ertis jaǵalaýynda salyna ma bilmeimin, biraq, árine, sý qajet. Ainalmaly sýmen jabdyqtaý máselesi bar, ol salqyndatý úshin qajet. Stantsiiany salý ornyn anyqtaý oblys ákimi retinde meniń mindetterime kirmeidi. Buǵan qatysym joq. Meni AES salý úshin Almaty oblysynyń ákimi etip taǵaiyndady degen qaýeset jai ǵana oidan shyǵarylǵan nárse", - dep túiindedi aimaq basshysy.
