الماتى وبلىسىنىڭ ەكٸمٸ قانات بوزىمباەۆ قازاقستانعا بازالىق قۋات كٶزٸ رەتٸندە اتوم ەلەكتر ستانتسيياسى (اەس) قاجەت ەكەنٸن ايتتى, - دەپ حابارلايدى Tengrinews.kz تٸلشٸسٸ وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
"بٸردەن ايتايىن: قازاقستاندا اتوم ستانتسيياسى سالىنۋىن قولدايمىن. مەن ۇزاق ۋاقىت ەنەرگەتيكا سالاسىندا جۇمىس ٸستەدٸم. ينستيتۋتتار بٸرنەشە جىلدان كەيٸن ەلەكتر ەنەرگيياسى تاپشىلىعى بولۋى مٷمكٸن ەكەنٸن كٶرسەتٸپ وتىر. بٸزگە بازالىق قۋات قاجەت", - دەدٸ وبلىس ەكٸمٸ.
بوزىمباەۆ اتوم ەلەكتر ستانتسيياسىن سالۋعا بايلانىستى قورقىنىش قازاقستاندىقتاردا گەندٸك دەڭگەيدە ەكەنٸن اتاپ ٶتتٸ.
"بۇل مەسەلەگە ٶتە مۇقييات قاراۋىمىز كەرەك. اەس قاي جەردە سالىناتىنىن, بالقاش نەمەسە ەرتٸس جاعالاۋىندا سالىنا ما بٸلمەيمٸن, بٸراق, ەرينە, سۋ قاجەت. اينالمالى سۋمەن جابدىقتاۋ مەسەلەسٸ بار, ول سالقىنداتۋ ٷشٸن قاجەت. ستانتسييانى سالۋ ورنىن انىقتاۋ وبلىس ەكٸمٸ رەتٸندە مەنٸڭ مٸندەتتەرٸمە كٸرمەيدٸ. بۇعان قاتىسىم جوق. مەنٸ اەس سالۋ ٷشٸن الماتى وبلىسىنىڭ ەكٸمٸ ەتٸپ تاعايىندادى دەگەن قاۋەسەت جاي عانا ويدان شىعارىلعان نەرسە", - دەپ تٷيٸندەدٸ ايماق باسشىسى.
