Elimizde adamǵa tiisý, erkinen tys májbúrleý áreketi qylmystyq is dep tanylýy múmkin. Bul týraly QR IIM Ákimshilik politsiia komiteti tóraǵasynyń orynbasary Aleksei Miliýk málim etti, dep habarlaidy QazAqparat.
«Tiisý, májbúrleý áreketine qatysy másele áli de ashyq. Búginde halyqaralyq zańnamalar zerdelený ústinde. Onyń bizdiń zańdarǵa qanshalyqty sáikes keletindigi qaralyp jatyr. Iaǵni tiisý, májbúrleý áreketine qylmystyq jaýapkershilik engizý kerek pe? Negizinde atalǵan jait zańda qarastyrylǵan, tek sál basqasha rásimdelgen. Jalpy qylmystyq kodekske engizý jaǵdaidy qanshalyqty aqtaidy? Osy tóńirekte talqylaýlar júrip jatyr. Oǵan sala sarapshylary, psihologtar men zań salasy mamandary tartylýda», - dedi Aleksei Miliýk Ortalyq kommýnikatsiialar qyzmeti alańynda ótken baspasóz máslihatynda.
Sondai-aq, IIM ókili zorlaýǵa qatysty jazanyń qatańdatylǵanyn aitty.
«Zorlyq jasaýshynyń jazasy aýyr. Qazir osy qylmys boiynsha tatýlastyrý degen túsinik joq. Áserise balalarǵa qatysty jaǵdai bolsa. Balalarǵa zorlyq kórsetkender qatań jazalanyp, aiyby keshirilmeidi jáne qylmysker merziminen buryn bosatylmaidy. Al jábir kórýshi jaq politsiia qyzmetkerleriniń qamqorynda bolady. Kerek jaǵdaida ómir boiy», - deidi ol.
