Foto: Polisia.kz
Qazaqstanda adam saýdasyna qatysy bar eki uiymdasqan qylmystyq toptyń áreketi toqtatyldy, dep habarlaidy Ult.kz.
Astana qalasy men Soltústik Qazaqstan oblysynyń uiymdasqan qylmysqa qarsy kúres bólimsheleri men prokýratýra organdary júrgizgen birlesken jedel is-sharalar nátijesinde, el aýmaǵynda jynystyq qanaýǵa negizdelgen zańsyz qyzmetpen ainalysqan jeli quryqtaldy.
Tergeý derekteri boiynsha, qylmyskerler internet-resýrstar arqyly júieli túrde jarnama jasap, qyzmetti uiymdastyrǵan. Olardyń áreketi uiymdasqan sipatqa ie bolyp, milliardtaǵan paida ákelgen.
Aldyn ala málimetke sáikes:
-
Qylmystyq toptyń kúndelikti tabysy – 1,5 million teńgege deiin jetken;
-
2024 jyldyń basynan beri ainalymy 1,7 milliard teńgeden asqan.
Tintý kezinde qomaqty mólsherde qolma-qol aqsha, bank kartalary, avtokólikter, kompiýterler men uialy telefondar, tsifrlyq aqparat tasymaldaýshylar tárkilengen.
Negizgi kúdiktiler men olardyń sybailastary qamaýǵa alyndy. Olarǵa Qylmystyq kodekstiń Adam saýdasy, Uiymdasqan qylmystyq top qurý jáne oǵan qatysý baptary boiynsha sotqa deiingi tergeý bastaldy.
Atalǵan baptar boiynsha 12 jylǵa deiin bas bostandyǵynan aiyrý, sondai-aq múlkin tárkileý jazasy qarastyrylǵan.
