Qazaqstanda 986 oqýshy koronavirýs juqtyrǵan, dep habarlaidy "Ult aqparat" Densalyq saqtaý ministrliginiń baspasóz qyzmetine silteme jasap.
Memleket Basshysy Qasym-Jomart Toqaevtyń tóraǵalyǵymen Qazaqstanda koronavirýs infektsiiasynyń taralýyna jol bermeý máseleleri jóninde keńeste Densalyq saqtaý ministri Aleksei Tsoi eldegi sanitarlyq-epidemiologiialyq jaǵdai men qabyldanyp jatqan sharalar týraly baiandady.
Ministrdiń aitýynsha, 1 qyrkúiekten 16 qarashaǵa deiin Qazaqstanda 986 oqýshy KVI juqtyrǵan, kezekshi synyptarda oqityn balalar arasynda 288 jaǵdai tirkelgen. Bailanysta bolǵan 3 122 adam anyqtaldy, olardyń 33-i indet juqtyrǵan.
«Onlain oqityn oqýshylar arasyndaǵy syrqat deńgeii joǵary – 698 bala. Oqý jylynyń basynda qalypty rejimde oqýǵa shekteý qoiyldy, sonyń arqasynda 6 myńnan astam balanyń indet juqtyrǵan oqýshylarmen bailanysyn jáne 600 jýyq koronavirýs infektsiiasy jaǵdaiynyń aldyn aldyq», - dedi A. Tsoi.
