Qazaqstanda zeinetaqy jinaǵyn alýǵa ótinish bergen azamattardyń sany 142 myńnan asty, dep habarlaidy Biryńǵai jinaqtaýshy zeinetaqy qory.
18 aqpandaǵy jaǵdai boiynsha BJZQ-ǵa ýákiletti operatorlardan turǵyn úi jaǵdaiyn jaqsartý maqsatynda birjolǵy zeinetaqy tólemin jasaýǵa 142 951 ótinish kelip túsken.
Onyń ishinde 1 213 ótinish jumysqa qabyldansa, 45 136 ótinish zańnama talaptaryna sáikes kelmeýine bailanysty qabyldanbady.
Jalpy somasy 520 mlrd teńgege 96 602 ótinish oryndaldy, atalǵan soma ýákiletti operatorlarǵa aýdarylyp, ótinish berýshilerdiń arnaiy shotyna esepteldi.
Tólemderdiń ortasha somasy - shamamen 5,4 mln teńge.
Ótinimderdiń qabyldanbaý sebepteri:
1. Soma durys kórsetilmegen, onyń ishinde zeinetaqy jinaǵynyń somasy artyq kórsetilgen.
2. Jeke tabys salyǵyn (JTS) tóleý tásilin tańdaý kezinde alýǵa suranys jasalatyn soma durys kórsetilmegen.
3. Salymshy alýǵa bolatyn soma sheginde emes, zeinetaqy jinaǵynyń búkil somasyn kórsetti.
4. Ótinimde ózekti emes soma kórsetilgen, iaǵni salymshylar investitsiialyq tabystyń naryqtyq aýytqýyna bailanysty zeinetaqy jinaǵy somasyndaǵy ózgeristerdi eskermegen.
5. «BJZQ» AQ derekter bazasynda jeke zeinetaqy shoty jáne tiisinshe zeinetaqy jinaǵy joq tulǵalardan da ótinim túsken.
6. Salymshylar bir ótinimdi qaitadan bergen.
