Qazaqstanda 899 meditsina qyzmetkeri Memlekettik áleýmettik saqtandyrý qorynan birjolǵy áleýmettik tólem aldy, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Baspasóz málimetterine qaraǵanda, atalmysh tólem meditsina samandaryna koronavirýstyq infektsiiany nemese virýstyq pnevmoniiany juqtyrǵan jaǵdaida tólenedi.
Baspasóz málimetterinde sonymen qatar atalǵan aýrýlardyń saldarynan qaitys bolǵan meditsina qyzmetkeriniń týystaryna saqtandyrý qorynan tólem jasalǵan.
«Budan buryn habarlanǵandai, joǵaryda atalǵan tólemdi alatyn meditsina qyzmetkerlerin óńirlerdiń jáne respýblikalyq mańyzy bar qalalardyń densaýlyq saqtaý basqarmalary janyndaǵy arnaiy komissiialar anyqtaidy. Bul rette aýyrǵan meditsina qyzmetkerlerin tekserý nátijeleri nazarǵa alynady. Ótinimderdi jinaqtaýdy QR Densaýlyq saqtaý ministrligi júzege asyrady, odan keiin ótinimder elektrondyq is maketterin qalyptastyrý úshin «Azamattarǵa arnalǵan úkimet» memlekettik korporatsiiasyna, odan keiin tólem taǵaiyndaý úshin Memlekettik áleýmettik saqtandyrý qoryna jiberiledi. 26 tamyz saǵat 9:00-degi jaǵdai boiynsha MÁSQ COVID-19 nemese virýstyq pnevmoniia juqtyrǵan 899 meditsina qyzmetkeriniń ótinishi boiynsha jáne aýrýdyń saldarynan qaitys bolǵan 3 meditsina qyzmetkeriniń ótinish boiynsha aqshalai qarajatty taǵaiyndaý men tóleýdi júzege asyrdy»,-delingen habarlamada.
Atalǵan tólemderdiń eń kóbi Nur-Sultan qalasynda (120), Almaty oblysynda (85), Almaty qalasynda (84), Aqmola (80) jáne Batys Qazaqstan oblystarynda (67) júzege asyryldy.
Esterińizge sala keteiik, QR Eńbek jáne halyqty áleýmettik qorǵaý ministri men QR Densaýlyq saqtaý ministriniń 9 sáýirdegi «Densaýlyq saqtaý uiymdarynyń COVID-19 koronavirýstyq infektsiiasyna qarsy kúres jónindegi epidemiiaǵa qarsy is-sharalarǵa tartylǵan qyzmetkerleri atalǵan infektsiiany juqtyrǵan nemese odan qaitys bolǵan jaǵdaida olarǵa birjolǵy áleýmettik tólemdi júzege asyrý qaǵidalaryn bekitý týraly» birlesken buiryǵyna aǵymdaǵy jyldyń 22 shildesinde engizilgen ózgeristerge sáikes tólenedi. Iaǵni koronavirýstyq infektsiia nemese virýstyq pnevmoniia juqtyrǵan meditsina qyzmetkerine – 2 mln. teńge, COVID-19 koronavirýstyq infektsiiasyn juqtyrǵannan, virýstyq pnevmoniiamen aýyryp qaitys bolǵan mamannyń otbasyna – 10 mln. teńge kóleminde qarjy tólenedi.
