video kadry
Aqmola oblysynyń politseileri 26 jyldan keiin 90-jyldardaǵy qylmystyq toptyń sońǵy qatysýshysyn ustady, dep habarlaidy "Ult aqparat" IIM baspasóz qyzmetine silteme jasap.
Banda músheleriniń esebinde tórt adam óltirý, júrgizýshilerge jasalǵan tonaý shabýyldary, ekonomikalyq kontrabanda jáne bilik ókiliniń nemese laýazymdy tulǵanyń ataǵyn óz betinshe taǵaiyndaý faktileri bar. 6 adamnan turatyn top qylmystardy 26 jyl buryn jasai bastaǵan.
"1998 jyldan bastap militsiia qyzmetkerleriniń nysandy kiim-keshekterin kiip alyp, avtomatty atys qarýymen qarýlanǵan qylmyskerler qala syrtyndaǵy avtojoldarda jezldiń kómegimen avtokólikterdi iemdený maqsatynda toqtatyp, júrgizýshiler men olardyń jolaýshylaryn atyp tastaityn. Denelerdi orman alqaptaryna kómý arqyly joiyp, al avtokólikterdi zańsyz satqan.
1999 jyly politsiia qyzmetkerleri bandanyń tórt múshesin ustady. Keiinnen sot úkimimen olardyń ekeýi ólim jazasyna kesilse, ekeýi uzaq ýaqytqa bas bostandyǵynan aiyryldy" - delingen habarlamada.
Toptyń bir múshesi qujattardy, tegin, atyn, ákesiniń atyn jáne týǵan jylyn zańsyz ózgertken, syrtqy túrin ózgertken jáne 26 jyl boiy quqyq qorǵaý organdarynan jasyrynyp júrgen.
"27 qańtarda jedel-izdestirý is-sharalary men uzaq ázirlemelerdiń nátijesinde toptyń sońǵy qatysýshysy Kókshetaýda ustaldy. Qazirgi ýaqytta qajetti tergeý rásimderi júrgizilip jatyr" - deidi vedomstvo baspasóz qyzmeti.
