Qazirgi ýaqytta Qazaqstannyń 4 646 eldimekeninde keńjolaqty internet qoljetimdi. Bul týraly QR Tsifrlyq damý, innovatsiialar jáne aeroǵarysh ónerkásibi ministrligi Telekommýnikatsiialar komitetiniń tóraǵasy Vitalii Iaroshenko málimdedi, dep habarlaidy "Ult aqparat".
«Qazirgi ýaqytta Internetke keńjolaqty qoljetimdikti qamtamasyz etetin jeliler 6 459 eldimekenniń 4 646-synda salynǵan. Bul rette osy eldimekenderde 18,2 mln adam, halyqtyń 97,3% turatynyn atap ótken jón. Nur Otan partiiasynyń sailaýaldy tuǵyrnamasy bar, onda jyl sońyna deiin 250 jáne odan da kóp adam turatyn barlyq aýyldyq eldimekendi internetpen qamtamasyz etý tapsyrylǵan. Qazirgi ýaqytta internetpen qamtylmaǵan 883 aýyl qaldy», - dedi spiker Ortalyq kommýnikatsiialar ortalyǵynda ótken baspasóz máslihatynda.
Onyń aitýynsha, aýyldardy internetpen qamtamasyz etý úshin eki joba júzege asyrylýda. Birinshi joba «Talshyqty-optikalyq bailanys jelisi tehnologiiasy boiynsha eldimekenderdi keńjolaqty qoljetimdilikpen qamtý» dep atalady.
«Joba boiynsha memleket mektepter, aýrýhanalar men ákimdikter úshin aýyldyq eldimekenderde Internetke keńjolaqty qoljetimdik qyzmetterin satyp alady. Joba 2020 jyldyń sońyna deiin 1 257 aýyldaǵy 3 718 memlekettik organ men biýdjettik uiymdardy qamtidy», - dedi V. Iaroshenko.
