Foto: depositphotos.com
Densaýlyq saqtaý ministri Ajar Ǵiniiat elimizde qyzylsha aýrýyna qatysty jaǵdai baqylaýda ekenin, alaida 800 myńǵa jýyq bala qaýipti infektsiiaǵa qarsy ekpe almaǵanyn aitty, - dep habarlaidy Massaget.kz portaly.
Onyń sózinshe, keiingi 15 jyl ishinde respýblikada 3 ret qyzylsha aýrýy kóp tirkelgen.
"Bul - 2005, 2015 jáne 2019 jyldar. Aýrýdyń kezekti ósýi 2023 jyly bastaldy. 2023 jyldyń sońynda elimizde qyzylshanyń 29 648 jaǵdaiy tirkeldi. Onyń 80 paiyzy 14 jasqa deiingi balalarǵa tiesili. Syrqattyń 84 paiyzy vaktsina almaǵan balalar esebinen boldy. Byltyr jeltoqsanda qarashamen salystyrǵanda 11 óńirde syrqattanýshylyqtyń ósýi baiqaldy. Turaqtandyrý úrdisi 6 óńirde: Aqtóbe, Qyzylorda, Batys Qazaqstan, Qaraǵandy, Jetisý jáne Túrkistan oblystarynda baiqaldy. Aýrý 3 óńirde tómendedi: Shymkent qalasy, Jambyl, Ulytaý oblystary", - dedi Ajar Ǵiniiat.
Ministr qyzylsha boiynsha jaǵdaidy turaqtandyrý boiynsha sharalar qabyldanǵanyn málimdedi.
"Birinshiden, byltyr aýrýǵa qarsy josparly vaktsinatsiialaý júrgizildi. 1 jáne 6 jastaǵy 700 myńǵa jýyq bala egildi. Ekinshiden, byltyr qyrkúiekte Úkimettiń rezervinen qarajat bólinip, qyzylshaǵa, qyzamyqqa jáne parotitke qarsy vaktsinanyń 1,5 million dozasy satyp alyndy. Qarashadan bastap bul infektsiialarǵa qarsy qosymsha vaktsinatsiialaý júrgizilip jatyr. Búgingi tańda qosymsha vaktsinatsiialaý sheńberinde 930 myńnan asa adam egildi, barlyq jospardan 62 paiyzy qamtyldy, kún saiyn 20 myńnan asa adam egilip jatyr ", - dedi ol.
Qazir elimizdiń kóptegen óńirinde qosymsha immýndaýdyń oń dinamikasy baiqalǵan. Mysaly, Jetisý, Qyzylorda, Túrkistan oblystary men Shymkent qalasynda tiisti kontingenttiń 70 paiyzdan astamy qosymsha vaktsinatsiiamen qamtylǵan.
Sonymen qatar, 7 óńirde, iaǵni Qostanai, Qaraǵandy, Pavlodar, Mańǵystaý, Atyraý, Batys Qazaqstan oblystary men Astana qalasynda qamtý deńgeii áli de tómen. Bul jerlerde 55 paiyzdan tómen.
Ajar Ǵiniiat elimizde 800 myń jýyq bala qaýipti aýrýǵa qarsy vaktsina almaǵanyn aitty.
"Vaktsinamen basqarylatyn infektsiialar jáne syrqattanýshylyqtyń ósýi ata-analarǵa balalardy vaktsinatsiialaýdan bas tartýǵa múmkindik beretin 2015 jyly engizilgen zań normalaryna tikelei bailanysty. Osynyń negizinde 5-7 jylda halyqtyń arasynda immýniteti joq adamdardyń qatary ósip otyr. Málimetter boiynsha búginde 6 jasqa deiingi 800 myńǵa jýyq bala defteriia, polimelit, týberkýlez jáne taǵy basqa qaýipti infektsiiaǵa qarsy egilmegen jáne qorǵalmaǵan. Osyǵan bailanysty ministrlik jergilikti atqarýshy organdarmen birlesip, biyl balalardy ulttyq vaktsinatsiialaý kúntizbesi sheńberinde josparly ekpelerdi ótkizip alǵan balalardy qosymsha vaktsinatsiialaý boiynsha keshendi jumys júrgizedi", - dedi ministr.
Vedomstvo basshysy qazaqstandyqtarǵa keńes berdi.
"Profilaktikalyq ekpe alý úshin salmaqty jáne aqylǵa qonymdy sheshimder qabyldaýyńyzdy suraimyn. Ár adam óz densaýlyǵy men balasynyń densaýlyǵy úshin nemquraidy bolmaýy kerek. Ózińizdi jáne jaqyndaryńyzdy táýekelge ushyratpańyz, qajet profilaktikalyq ekpeni ýaqytyly alýǵa shaqyramyn!" - dedi Ajar Ǵiniiat.
