QR Densaýlyq saqtaý vitse-ministri, bas memlekettik sanitarlyq dáriger Erlan Qiiasov koronavirýsqa qarsy 65 jastan asqan adamdardy vaktsinatsiialaýǵa bailanysty túsinik berdi, dep habarlaidy «Ult aqparat».
«65 jastan asqan adamdardy vaktsinatsiialaýǵa qatysty óndirýshiniń resmi aqparatynyń negizinde, meditsinalyq qarsy kórsetilimderin (sozylmaly aýrýlardyń, allergiialyq reaktsiialardyń jáne ózge de qarsy kórsetilimderdiń bolýy) eskere otyryp, osy jas erekshelik sanatyndaǵy adamdardy vaktsinatsiialaýǵa ruqsat berý týraly sheshim qabyldandy. QR Bas memlekettik sanitarlyq dárigeriniń tiisti qaýlysyna qol qoiyldy», - dedi Qiiasov Ortalyq kommýnikatsiialar qyzmetinde.
Budan buryn habarlanǵandai, Erlan Qiiasov koronavirýsqa qarsy vaktsinalaý naýqanyna qatysty túsinik berdi.
Koronavirýs infektsiiasyna qarsy vaktsinatsiialaý jalǵasyp jatyr. Qazirgi kezde birinshi komponentpen 20 157 adam egildi. 22 aqpannan bastap ekinshi komponentpen vaktsinalaý bastalyp, 2 137 adamǵa ekpe jasaldy, qolaisyz kórinister tirkelgen joq. Vaktsinatsiialaýdan keiingi qorǵanysh áseri, iaǵni koronavirýsqa qarsy antideneler dozany alǵash qabyldaǵannan keiin 12-14 kúnnen soń bastalady.
Tolyq immýnitetti qamtamasyz etý úshin 21 kúndik aralyqpen eki komponentten turatyn vaktsinatsiianyń tolyq kýrsyn alý kerek.
