Tótenshe jaǵdai kezinde tabysynan aiyrylýyna bailanysty 64 259 adam 42 500 teńge kóleminde kómek aldy, dep habarlaidy "Ult aqparat" Eńbek jáne halyqty áleýmettik qorǵaý ministrligine silteme jasap.
Memlekettik áleýmettik saqtandyrý qorynan tótenshe jaǵdai kezinde tabysynan aiyrylýyna bailanysty 64 259 adam jańa áleýmettik tólemdi aldy.
2 sáýir saǵat 18:00-degi jaǵdai boiynsha eGov.kz arqyly tabysynan aiyrylýyna bailanysty áleýmettik tólem taǵaiyndaý boiynsha 22 928 adam júgindi, onyń ishinde 3 438 adam tólemin aldy.
Sonymen qatar, Memlekettik áleýmettik saqtandyrý qory tótenshe jaǵdaiǵa bailanysty tabysynan aiyrylý boiynsha áleýmettik tólemderdi biryńǵai jiyntyq tólemdi tóleýshi bolyp tabylatyn 60 821 adamǵa taǵaiyndady jáne aýdardy. Olardyń ishinen:
– Nur-Sultan q. – 1 521;
– Almaty q. – 3 500;
– Shymkent q. – 8 037;
– Aqmola – 2 299;
– Aqtóbe – 2 102;
– Almaty – 13 548;
– Atyraý – 9 29;
– ShQO – 3 435;
– Jambyl – 5 436;
– BQO – 1 230;
– Qaraǵandy – 2 195;
– Qostanai – 1 886;
– Qyzylorda – 3 075;
– Mańǵystaý – 1 328;
- Pavlodar – 1 522;
– SQO – 2 457;
– Túrkistan – 6 321 adam.
Tólemdi taǵaiyndaý proaktivti formatta, iaǵni azamattardyń ótinishinsiz júzege asyryldy. Tólemdi sońǵy 12 aida keminde 1 ret BJT tólegen adamdar aldy.
Esterińizge sala keteiik, tótenshe jaǵdailar kezinde tabysynan aiyrylý jaǵdaiyna bailanysty MÁSQ-tan áleýmettik tólem mólsheri bir adamǵa aiyna 42,5 myń teńgeni (eń tómengi jalaqy) quraidy, ol kelesi sanattaǵy azamattarǵa taǵaiyndalady: - orta, shaǵyn jáne mikrobiznes sýbektileriniń qyzmetkerleri; jeke kásipkerler; jeke praktikamen ainalysatyn adamdar (notariýs, jeke sot oryndaýshysy, advokat, kásibi mediator); biryńǵai jiyntyq tólemdi tóleýshiler; nysanasy jumystardy oryndaý (qyzmetter kórsetý) bolyp tabylatyn azamattyq-quqyqtyq sipattaǵy sharttar boiynsha tabys tabatyn, salyq agentteri olar úshin mindetti zeinetaqy jarnalaryn aýdarǵan adamdar; karantin engizilgen eldi mekenderdegi iri biznes sýbektileriniń qyzmetkerleri.
