2020 jyly Qazaqstanda alty áýe kompaniiasynyń qyzmeti toqtatylyp, ekeýiniń sertifikaty qaitaryp alyndy, dep habarlaidy "Ult aqparat" Azamattyq aviatsiia komitetine silteme jasap.
Halyqaralyq azamattyq aviatsiia kúni Azamattyq aviatsiia komiteti eldegi aviatsiia salasynyń mańyzdy tustary men qol jetkizgen jetistikterin atap ótti.
Vedomstvonyń málimetinshe, 2020 jyldyń 1 qańtarynan bastap búgingi kúnge deiin Qazaqstannyń aviatsiialyq ákimshiliginiń inspektorlary paidalanýshynyń 43 inspektsiialyq tekserýin jáne 8 sertifikatsiiasyn júrgizdi.
«6 operatordyń qyzmeti toqtatyldy: Jet Airlines, Jenis Air, Azee Air, Phoenix, Qazaq Helicopters, MS AIR KZ. BekAir, Sigma Airlines áýe kompaniialarynyń sertifikattary qaitaryp alyndy. Aviatsiialyq ákimshilik áýe kemelerine 240 inspektsiialyq tekserý júrgizdi, 79 azamattyq áýe kemelerine memlekettik tirkeý kýáligi berildi, ushýǵa jaramdylyq týraly 145 sertifikat, 17 aviatsiialyq tehnikaǵa tehnikalyq qyzmet kóresetý jáne jóndeý jónindegi uiymnyń sertifikaty berildi. Áýejailarǵa 15 inspektsiialyq tekserý, 20 sertifikatsiialaý júrgizildi. Aviatsiia personalyna kýálik berý boiynsha 2638 memlekettik qyzmet, aviatsiialyq oqý ortalyqtaryna 13 memlekettik qyzmet kórsetildi. 3 aviatsiialyq oqý ortalyǵynyń qyzmeti toqtatyldy: Bek Air, Ultuga jáne Sky School», delingen habarlamada.
