Qazaqstan halqy Assambleiasynyń qyzmeti men etnosaralyq kelisim boiynsha memlekettik saiasatty jariia etý úshin elimizde shamamen 18 respýblikalyq BAQ jumys istep jatyr. Qazaqstanda 12 tilde, onyń ishinde ózbek, korei, ýkrain, uiǵyr jáne túrik tilderinde aqparat taratatyn 52 etnikalyq BAQ tirkelgen. Bul jaiynda «Ult» portaly tolyǵyraq taratady.
Sonymen qatar Qazaqstan halqy Assambleiasynyń habar taratatyn telearnasy qurylýy múmkin. Bul bastamany "Qazaqstan orys mádeni ortalyǵy" qoǵamdyq birlestiginiń tóraǵasy kóterdi.
Onyń aitýynsha, mádeni qaýymdastyqtar men birlestikter eldiń aqparattyq alańynda jetkiliksiz kólemde usynylyp otyr. Sonymen qatar ol teledidar orta jáne aǵa býyn ókilderi úshin aqparat alýdyń basym kózi bolyp qala beretinin atap ótti.
Telearna qurýdyń basty maqsaty – azamattardyń sanasyn ózgertý, estitin memleket júiesine úles qosý. Iaǵni, memleket pen qoǵamnyń ózara is-qimylyn monologtan dialogqa kóshirýge batyttalady. Telearna qurylǵan jaǵdaida ol jerde qarapaiym adamdardyń ómiri túsinikti tilde radio jáne telearna efirinde jariialanatyn bolady.
Qazaqstan halqy Assambleiasynyń múshesi respýblikada memlekettik tildiń bolashaǵy úshin alańdaýdyń qajeti joq degen pikir bildirdi, óitkeni Táýelsizdik jyldarynda qazaq tilin meńgergen 20-dan astam mektep túlekteri daiyndalyp shyqty. Osy oraida qoǵamdyq birlestik tóraǵasy etnostardyń oń imidjin qalyptastyra otyryp jáne olardyń eldiń damýyna qosqan úlesi týraly aitý qajet ekenine toqtaldy. Qazaqstanda eki tilde habar taratatyn Qazaqstan halqy Assambleiasynyń telearnasyn qurýǵa usynys tastaldy, alaida áli bul taqyryp boiynsha naqty sheshim qabyldanǵan joq.
Sonymen qatar Elbasy Nursultan Nazarbaev 2020 jyldyń basynda Qazaqstan halqy Assambleiasy basshysynyń orynbasary Janseiit Túimebaevqa QHA jumysynda ózgertý engizýdi tapsyrdy.
"1995 jyly biz kópultty memleketimizdiń barlyq azamatynyń quqyǵyn qorǵaý úshin Qazaqstan halqy Assambleiasyn qurdyq. Keiinirek Assambleia konstitýtsiialyq organ boldy. Táýelsizdiktiń alǵashqy kúnderinen bastap biz elimizdegi barlyq etnostardyń teńdigin árdaiym atap otyrmyz", - dedi Elbasy.
Nursultan Nazarbaev sondai-aq Qazaqstan halqy Assambleiasy mádeni-buqaralyq jáne oiyn-saýyq is-sharalaryn ótkizýge emes, taldaý jumystaryna qarai baǵyttalýy tiis ekenin atap ótti. Sonymen qatar QHA-nyń barlyq apparaty men óńirlik ókildikteriniń jumysyn odan ári qaita júkteýge baǵyttalǵan aýdit júrgizýdi tapsyrdy.
Al Qaýipsizdik keńesiniń otyrysynda Assambleia men onyń aimaqtyq ókildikteri alda jumys istep, ultaralyq jaǵdailardy baqylaýda ustaýǵa tapsyrma berdi.
Al prezident Qasym-Jomart Toqaev Túimebaevqa eldegi turaqtylyqty, ulttar men etnostar arasyndaǵy birlik pen yntymaqtastyqty saqtaýǵa baǵyttalǵan sharalar qabyldaýdy tapsyrdy.
Aita keteiik Qazaqstan halqy Assambleiasy 1995 jyly birinshi naýryzda QR prezidenti jarlyǵymen quryldy. Ol memleket basshysy janyndaǵy konsýltativti-keńesshi organ sanalady. Onyń ishinde óziniń arnaiy mediatsiia keńesi bar. Mediatsiia keńesi – Qazaqstan halqy Assambleiasynyń konsýltativtik-keńesshi organy bolyp sanalady. Keńestiń negizgi maqsaty – Qazaqstan Respýblikasynda qoǵamdyq kelisimdi qamtamasyz etý maqsatynda mediatsiia institýtyn damytý bolyp tabylady.
Keńestiń negizgi mindetterine QHA qyzmeti aiasynda qoǵamdyq kelisim salasyndaǵy mediatsiia boiynsha strategiialar ázirleý, qoǵamdyq kelisim salasyndaǵy mediatsiia boiynsha QHA qurylymdarynyń qyzmetin úilestirý jáne júieleý jatady. Sonymen qatar mediatsiia boiynsha QHA qurylymdarynyń qyzmetin aqparattyq jáne ádistemelik qamtamasyz etý jáne etnosaralyq qatynastar salasyndaǵy mediatsiia boiynsha otandyq jáne sheteldik tájiribeni zertteý, QHA qyzmeti aiasyndaǵy mediatsiia boiynsha praktikany jetildirý de keńestiń basty mindeti bolyp sanalady.
Keńesiniń jumys organy Qazaqstan halqy Assambleiasy Hatshylyǵy bolyp tabylady.
