Qazaqstandyqtar mekenjai boiynsha turaqty tirkeýge turý úshin HQO-nyń onlain balamasy – egov.kz tańdai bastady, dep habarlaidy "Ult aqparat" «Azamattarǵa arnalǵan úkimet» korporatsiiasyna silteme jasap.
Byltyrǵy kórsetkishterdi esepke alsaq, HQO arqyly 1,5 mln adam, onlain túrde 479 myń adam tirkeýge turǵan, sáikesinshe árbir tórtinshi azamat turǵylyqty tirkeý rásimin elektrondy túrde júrgizgen.
Aimaqtar boiynsha qaraityn bolsaq, mekenjaiǵa tirkeýge onlain turýshylar úlesi Nur-Sultan qalasynda kóp – 91 myń adam, odan keiin Qaraǵandy (39 myń) men Pavlodar (23 myń) oblystary. Bul rette eń tómengi kórsetkish Atyraý oblysyna tiesili (6 myń adam).
«Elektrondy jańashyldyqtardy qup kóretin azamattardyń sany óskeni qýantady. Onlain tirkeýge turý – ýaqytty únemdep qana qoimai, «propiskany» satatyn deldaldardyń jumysyna da tosqaýyl bolady», – deidi «Azamattarǵa arnalǵan úkimet» memlekettik korporatsiiasynyń basqarma tóraiymy Ásemgúl Baltasheva.
Biylǵy qańtar aiyndaǵy kórsetkish boiynsha onlain mekenjei tirkeýine turýshylar sany birshama ósken. Bul qyzmetti alý úshin 184 myń adam HQO-ǵa júginse, 63 myń azamat eshqaida barmai-aq onlain júzege asyrǵan.
Búginde mekenjai tirkeýin jasatý úshin tirkeýge qoiýshy jáne tirkelýshi taraptyń ETsQ-sy bolýy tiis. Azamat egov.kz-ke tirkeletin mekenjai men jeke málimetterin jazsa, baspana iesi oǵan ruqsatty jeke kabinetine kelgen suraýdy maquldaý arqyly beredi.
