Biyl qamaý oryndaryndaǵy 50 pedofil bostandyqqa shyqty, olar kámelet jasqa tolmaǵandardy zorlaǵan. Búginde eldegi koloniialarda 1 861 pedofil jazasyn ótep jatyr, - dep habarlaidy Tengrinews saity "Eýraziia" birinshi arnasy telearnasyna silteme jasap.
Quqyqtyq statistika komitetiniń málimetinshe, 2021 jyly kámeletke tolmaǵan qazaqstandyqtarǵa qarsy quqyq buzýshylyqtar sany ósti. Pedofilderdiń áreketinen qańtardan sáýirge deiin 1 000 búldirshin zardap shekken. Olardy zorlap, azǵyryp, ózine qol jumsaýǵa itermelegen.
"Keiingi bes jylda elimizde balalarǵa qatysty 3 893 zorlyq deregi tirkelgen. 2016 jylmen salystyrǵanda 2020 jyly kámeletke tolmaǵandardy zorlaý 45,8 paiyzǵa ósken. Qylmystyq-atqarý organdarynyń ornyna probatsiia qyzmeti quryldy, onyń negizgi mindeti - sottalǵan adamdy túzeý jáne qaita tárbieleý bolǵan. Biraq olar áli burynǵydai jumys istep júr. Bul iste resmilik kóp", - deidi Májilis depýtaty Baqytbek Smaǵul.
"Bostandyqqa shyqqan qylmyskerlerge qatysty zańdy qadaǵalaýshy bekitiledi, oǵan sottyń sheshimimen bes jyl men segiz jyl aralyǵyndaǵy ýaqyt beriledi. Olar quqyqqorǵaý organdarynyń baqylaýynda bolady", - deidi QR IIM Qylmystyq-atqarý júiesi komitetiniń sottalǵandar arasyndaǵy tárbie jáne áleýmettik-psihologiialyq jumys basqarmasynyń bastyǵy Bibigúl Muńaitpasova.
Al seksolog Irina Kim pedofildiń ózgerýi múmkin emes ekenin aitady.
"Shynaiy jáne jalǵan pedofiliia bar. Jalǵany eshqalai emdelmeidi, ony eshkim ustap qala almaidy. Ony emdeý ekitalai, sebebi ol psihopatologiia. Adamdardy osyndai parafiliiadan qorǵap qalýdyń jalǵyz joly - himiialyq kastratsiia", - deidi Irina Kim.
Biyl bostandyqqa shyqqan 50 pedofildiń qanshaýyna himiialyq kastratsiia jasalǵany ázirge belgisiz.
