Elimizde 5 qyrkúiekti stýdentter kúni etip bekitýge usynys jasaldy, dep habarlaidy QazAqparat.
«QR Prezidentiniń jarlyǵymen Qazaqstanda stýdentter kúnin bekitýdi usynamyn. 5 qyrkúiek ult aǵartýshysy Ahmet Baitursynulynyń týǵan kúni. Sondyqtan osy datany stýdentter kúni etip bekitýdi usynamyn. Tek qana bekitip qana qoimai, sol kúni stýdentterge ataqty ǵalymdar dáris oqysyn. Óz basym ult ustazy Ahmet Baitursynulynyń týǵan kúni laiyqty dep esepteimin», - dedi L. Gýmilev atyndaǵy EUÝ-nyń rektory Erlan Sydyqov.
Sondai-aq, rektor stýdentterge arnalǵan «Tálimger» ulttyq baǵdarlamasyn jasaýdy usyndy.
«Atalǵan baǵdarlama aiasynda stýdentterge arnalǵan kórnekti mamandar, ǵalymdar jáne sport sheberleriniń qatysýymen biliktilik kýrstary uiymdastyrylsa. Odan bólek, stýdentter uiymdarynyń rebrendingi jáne stýdentter odaǵyn qurý máselesin qarastyrýdy suraimyn. Odaq aiasynda jastarǵa qoldaýǵa arnalǵan túrli jobalar qolǵa alynýy tiis. Sol siiaqty stýdentterdiń ózin ózi basqarý sharasyn da qaita qarastyrǵan jón. Ministr óz sózindi ózin ózi basqarý máselesin jii kóterip keledi», - deidi ol.
Aita ketsek, búgin elordadaǵy L. Gýmilev atyndaǵy Eýraziia ulttyq ýniversitetinde respýblikalyq rektorlar keńesiniń otyrysy ótti.
Atalǵan jiynda «Jańa Qazaqstan» tujyrymdamasyna sáikes otandyq joǵary bilim berýdiń sapasyn odan ári kóterý máseleleri qaraldy.
