2019 jyldyń mamyr aiynyń sońynda elimizde tirkelgen shaǵyn jáne orta biznes sýbektileriniń sany 435,6 myńdy qurady. Bul ótken jylmen salystyrǵanda 3,1 paiyzǵa kóp, dep habarlaidy "Ult aqparat" Energyprom-ǵa silteme jasap.
Onyń ishinde jumys istep turǵan kompaniialardyń sany 291,7 myńǵa jetip otyr. Ósim - 10,3 paiyz. Bir jyldyń ishinde belsendi shaǵyn kompaniialardyń sany 11 paiyzǵa artty. Aldaǵy ýaqytta da mundai kompaniialar sany arta túspek. Sebebi 2019 jyly «Biznestiń jol kartasy - 2020» memlekettik baǵdarlamasynyń aiasynda ǵana 14,6 myń shaǵyn jáne orta biznes jobasy qoldaýǵa ie bolmaq.
Shaǵyn jáne orta biznestiń tirkelgen sýbektileriniń basym bóligin quraityn shaǵyn kompaniialar sany - 429,2 myń (1 jyldaǵy ósim 3,1 paiyz). Biraq, olardyń tek 66,6 paiyzy nemese 285,6 myńy (1 jyldaǵy ósim 10,5) ǵana jumys istep tur.
2019 jyldyń mamyr aiynyń sońynda nebári 6,4 myń shaǵyn kompaniia tirkeldi. Bul ótken jylmen salystyrǵanda 0,3 paiyzǵa kem. Bul rette olardyń 6,1 myńy nemese 94,6 paiyzy jumys isteidi.
Shaǵyn kompaniialar sanynyń kóp bolǵandyǵyna qaramastan olardyń tek 55,8 paiyzy nemese 159,4 myńy (1 jyldaǵy ósim 10,6 paiyz) ǵana jumys istep tur.
Orta kásipkerlik sýbektileriniń arasynda 97,5 paiyzy nemese 5,9 myń kompaniia belsendi jumys isteidi. Jańadan ashylǵan orta kompaniialar sany 22,9 paiyzǵa nemese 54 kásiporynǵa deiin, ýaqytta belsendi emes kompaniialar sany 95-ke deiin qysqardy.
