© Sputnik / Pavel Lisitsyn
Qazaqstanda taǵy tórt ýniversitet pen 29 kolledj jabylady. Bul týraly bilim jáne ǵylym ministri Ashat Aimaǵambetov málimdedi, dep habarlaidy Sputnik Qazaqstan.
Onyń aitýynsha, stýdentterge sapaly bilim berý úshin baqylaý eki baǵytta júrgiziledi:
- sapasyz joǵary oqý oryndaryn nemese kolledjderdi jabý jáne olardy litsenziiadan aiyrý;
- joǵary oqý ornyn nemese kolledjdi beiindeý, beiinine sáikes kelmeitin jáne suranysqa ie emes litsenziialardy qaitarý.
"Qazirgi kezde tolyǵymen 15 joǵary oqý orny jáne 31 kolledj jabyldy. Taǵy 4 joǵary oqý orny jáne 29 kolledj jabylý satysynda", - dedi Aimaǵambetov Úkimet otyrysynda.
Sonymen qatar 61 ýniversitettiń 500 baǵyt boiynsha litsenziiasy jáne 375 kolledjdiń 2 200 baǵyt boiynsha litsenziiasy qaitaryp alynǵan. Taǵy 15 ýniversitet pen 47 kolledjdiń beiinine sáikes kelmeitin litsenziialaryn qaitarý jumystary júrip jatyr.
Máselen, Aimaǵambetovtyń aitýynsha, muǵalim daiarlaityn joǵary oqý oryndarynyń sany 86-dan 50-ge deiin azaisa, zańgerler 72-den 61-ge deiin qysqarǵan.
Ministr bolashaqta tek sapaly bilim beretin ýniversitetter men kolledjer qalatynyn atap ótti.
