Qazaqstanda 370 meditsina qyzmetkerine koronavirýs juqqan. Onyń basym bóligi Almaty qalasy (197) men Nur-Sultan qalasynda (92). Dárigerler arasynda jansaqtaý bóliminde jatqandar joq. Bul týraly 15 sáýirdegi brifingte Qazaqstan densaýlyq saqtaý ministriniń orynbasary Lázzat Aqtaeva aitty.
Ministrdiń orynbasary elde keiingi kúnderi virýs juǵý kórsetkishi 12,9 paiyzǵa óskenin aitty. Aqtaeva "Qazaqstanda virýs infektsiiasy shyrqaý shegine jetti. Júz myń adamnyń árbir jetinshisine virýs juqqan. Sondyqtan 20 sáýirge deiin test jasaý kóbeiedi" dep málimdedi.
Densaýlyq saqtaý ministriniń orynbasary Qazaqstanda 80 baladan virýs anyqtalǵanyn, olardyń jaǵdaiy jaqsy ekenin aitty. Sózinshe, virýs juqtyrǵan balalardyń arasynda jańa týǵan bir sábi bar. Virýs sábi men anasyna týysqanynan juqqan. Sondai-aq bir jasqa tolmaǵan eki baladan virýs tabylǵan.
Qazir Qazaqstanda barlyǵy 1290 adamnan virýs tabyldy. 240 adam dertten aiyqty. 16 adam qaitys boldy. Densaýlyq saqtaý ministrliginiń málimetinshe, aýrýhanada jatqan 21 adamnyń jaǵdaiy aýyr.
