QR Eńbek jáne halyqty áleýmettik qorǵaý ministri Birjan Nurymbetov kásipodaq qyzmetkerlerin kásibi merekelerimen quttyqtady, dep habarlaidy "Ult aqparat".
«Qazaqstannyń kásipodaqtary – turaqtylyqtyń tiregi, áleýmettik-eńbek qatynastarynyń bazalyq elementi. Sizder basty mindetterińiz – eńbek adamdarynyń zańdy quqyqtary men ómirlik múddelerin qorǵaý jumystaryn abyroimen atqaryp kelesizder.
Qazirgi ýaqytta áleýmettik áriptestiktiń barlyq deńgeilerinde 3 mln-nan astam qyzmetkerdi biriktiretin kásipodaqtar qurylyp, jumys isteýde.
Sońǵy jyldary biz qyzmetkerlerdiń múddeleri men quqyqtaryn qorǵaýǵa baǵyttalǵan birlesken is-sharalardy belsendi ótkizdik.
Ózderińiz biletindei, aǵymdaǵy jyly kásipodaqtardyń rólin kúsheitýge jáne áleýmettik áriptestiktiń barlyq deńgeilerinde áleýmettik dialogty damytýǵa baǵyttalǵan «Kásiptik odaqtar týraly» Qazaqstan Respýblikasynyń Zańyna túzetýler engizildi.
Memleketke eńbek qatynastary sýbektileriniń múddelerin ońtaily úilestirýge qol jetkize alatyn myqty jáne jaýapty kásiptik odaqtar qajet.
Qoǵamdyq qatynastardy retteýdegi kásipodaqtardyń róli neǵurlym mańyzdy bolsa, soǵurlym olar ózderiniń negizgi maqsatyn – jumyskerlerdiń áleýmettik jáne eńbek quqyqtary men múddelerin qorǵaýdy tiimdi ári sátti júzege asyra alady.
Qazaqstan kásipodaqtaryna belsendi de jemisti jumys tileimin! Sonymen qatar, Qazaqstan Respýblikasy Kásipodaqtar federatsiiasy óziniń 30 jyldyǵyn atap ótýde. Kásipodaqtar federatsiiasymen kóp jyldar boiy syndarly jáne iskerlik qarym-qatynas ornattyq. Federatsiia – áleýmettik áriptestiktiń eń múddeli jáne eleýli tarapy, barlyq kelissózderdiń bastamashysy. Sizderge eńbekterińizge tolaǵai tabys, amandyq jáne órkendeý tileimin!» – delingen Birjan Nurymbetovtiń quttyqtaýynda.
