Qazaqstanda 3 million gektar jaiylym zańsyz berilgen, dep habarlaidy "Ult aqparat" Bas prokýratýranyń baspasóz qyzmetine silteme jasap.
Vedomstvo málimetinshe, tek sońǵy 3 jyldyń ishinde prokýrorlar 18 million gektar bos jáne 3 million gektar zańsyz berilgen jaiylymdy anyqtady. Olardyń 5 million gektary memleketke qaitarylyp, 4 million gektary ainalymǵa tartylǵan.
"Jumys nátijeleri ýchaskelerdi igerýge múmkindigi joq adamdar jerdiń jasandy tapshylyǵyn týdyratynyn kórsetti. Osy sebepti adal fermerler men aýyl halqy jaiylymdardy paidalaný múmkindiginen aiyrylady, bul ýaqyt óte kele olardyń tozýyna alyp keledi", - delingen habarlamada.
Búginde elimizde shamamen 15 million gektar qoǵamdyq jaiylym jetispeitini anyqtaldy, bul jeke qosalqy sharýashylyqtardyń mal jaiýymen problemalar týǵyzady.
"Jaǵdaidy jaqsartý úshin biyl Aýyl sharýashylyǵy ministrligimen birlesip Memleketke qosymsha 5 million gektar jerdi qaitarý josparlanyp jatyr. Jergilikti jerlerdegi sharalar boiynsha ákimdikter qoǵamdyq jaiylymdardy basqarý josparlaryn bekitti. Bul aýyldyq eldi mekender mańyndaǵy jaiylymdyq jerlerdi jeke adamdarǵa berýge jol bermeýge múmkindik beredi", - dedi vedomstvo baspasóz qyzmetindegiler.
Jaiylymdardy berý kezindegi buzýshylyqtar jáne tiisti baqylaýdyń joqtyǵy úshin prokýratýra organdarynyń qadaǵalaý aktileri boiynsha 520 laýazymdy adam, onyń ishinde 42 adam memlekettik qyzmetke kir keltiretin áreketteri úshin tártiptik jaýaptylyqqa tartylǵan.
