قازاقستاندا 3 ميلليون گەكتار جايىلىم زاڭسىز بەرٸلگەن, دەپ حابارلايدى "ۇلت اقپارات" باس پروكۋراتۋرانىڭ باسپاسٶز قىزمەتٸنە سٸلتەمە جاساپ.
ۆەدومستۆو مەلٸمەتٸنشە, تەك سوڭعى 3 جىلدىڭ ٸشٸندە پروكۋرورلار 18 ميلليون گەكتار بوس جەنە 3 ميلليون گەكتار زاڭسىز بەرٸلگەن جايىلىمدى انىقتادى. ولاردىڭ 5 ميلليون گەكتارى مەملەكەتكە قايتارىلىپ, 4 ميلليون گەكتارى اينالىمعا تارتىلعان.
"جۇمىس نەتيجەلەرٸ ۋچاسكەلەردٸ يگەرۋگە مٷمكٸندٸگٸ جوق ادامدار جەردٸڭ جاساندى تاپشىلىعىن تۋدىراتىنىن كٶرسەتتٸ. وسى سەبەپتٸ ادال فەرمەرلەر مەن اۋىل حالقى جايىلىمداردى پايدالانۋ مٷمكٸندٸگٸنەن ايىرىلادى, بۇل ۋاقىت ٶتە كەلە ولاردىڭ توزۋىنا الىپ كەلەدٸ", - دەلٸنگەن حابارلامادا.
بٷگٸندە ەلٸمٸزدە شامامەن 15 ميلليون گەكتار قوعامدىق جايىلىم جەتٸسپەيتٸنٸ انىقتالدى, بۇل جەكە قوسالقى شارۋاشىلىقتاردىڭ مال جايۋىمەن پروبلەمالار تۋعىزادى.
"جاعدايدى جاقسارتۋ ٷشٸن بيىل اۋىل شارۋاشىلىعى مينيسترلٸگٸمەن بٸرلەسٸپ مەملەكەتكە قوسىمشا 5 ميلليون گەكتار جەردٸ قايتارۋ جوسپارلانىپ جاتىر. جەرگٸلٸكتٸ جەرلەردەگٸ شارالار بويىنشا ەكٸمدٸكتەر قوعامدىق جايىلىمداردى باسقارۋ جوسپارلارىن بەكٸتتٸ. بۇل اۋىلدىق ەلدٸ مەكەندەر ماڭىنداعى جايىلىمدىق جەرلەردٸ جەكە ادامدارعا بەرۋگە جول بەرمەۋگە مٷمكٸندٸك بەرەدٸ", - دەدٸ ۆەدومستۆو باسپاسٶز قىزمەتٸندەگٸلەر.
جايىلىمداردى بەرۋ كەزٸندەگٸ بۇزۋشىلىقتار جەنە تيٸستٸ باقىلاۋدىڭ جوقتىعى ٷشٸن پروكۋراتۋرا ورگاندارىنىڭ قاداعالاۋ اكتٸلەرٸ بويىنشا 520 لاۋازىمدى ادام, ونىڭ ٸشٸندە 42 ادام مەملەكەتتٸك قىزمەتكە كٸر كەلتٸرەتٸن ەرەكەتتەرٸ ٷشٸن تەرتٸپتٸك جاۋاپتىلىققا تارتىلعان.
