Sinoptikter 28-30 naýryzda Qazaqstanda kún jylynady dep boljap otyr, dep habarlaidy "Ult aqparat" «Qazgidromet» RMK-ǵa silteme jasap.
«Demalys kúnderi skandinaviialyq antitsiklonnyń arqasynda Qazaqstannyń basym bóliginde kún jaýyn-shashynsyz, túnde salqyn, ásirese respýblikanyń soltústik-shyǵysynda temperatýra nólden aspaidy jáne -2…-17°S arasynda bolady. Kúndiz aýa temperatýrasy soltústikte +1…..+13°S, ońtústikte +15….+28°S-qa jetedi.
Soltústikte, shyǵysta jáne ońtústik-shyǵysta jaýyn-shashyn (jańbyr, qar) bolady, shyǵysta jáne ońtústik-shyǵystaǵy taýly aimaqtarda jaýyn-shashyn mol kólemde jaýyp, kei jerlerde kóktaiǵaq bolýy yqtimal. Respýblikanyń kei jerlerine tuman túsip, jel soǵady», - delingen habarlamada.
