Qazaqstanda osy kezde koronavirýstyq infektsiiadan 27 597 adam em qabyldap jatyr. Olardyń arasynda 172 sábi bar. Bul týraly QR Densaýlyq saqtaý ministrliginiń Telegram paraqshasynan málim boldy, dep habarlaidy "Ult aqparat".
Ministrliktiń derekteri boiynsha, elimizdiń statsionarlarynda 6 351 naýqas jatyr, 21 246 adam ambýlatoriialyq jaǵdaida emdelýde. Jalpy naýqastardyń arasynda 172 adamnyń jaǵdaiy nashar. Sonyń ishinde 26 naýqastyń jaǵdaiy óte aýyr dep baǵalanýda. 44 naýqas ókpeni jasandy jeldetý apparatyna qosylǵan.⠀
«QR Densaýlyq saqtaý ministrligi budan bylai táýliktik nátijeler týraly aqparatty kún saiyn únemi úzbei jariialap otyrady. Barlyq málimet resmi saitta jáne vedomstvanyń áleýmettik jelilerdegi paraqshalary arqyly taratylady. Atap aitqanda, naýqastardyń jalpy sany jóninde, qaitys bolý derekteri týraly jáne de qoǵam úshin mańyzdy ahýaldyń barlyǵy resmi aqparat taratý kózderinde jedel jariialanady. Al, aimaqtardaǵy ahýal týraly aqparatty apta saiyn Densaýlyq saqtaý ministrliginiń resmi ókili arnaiy brifingte habarlap turady», - delingen ministrliktiń habarlamasynda.
